官商鄉黑警: 官商鄉黑警 第四回 美女主播與欣兒
「官商鄉黑警」
第四回: 美女主播與欣兒
中秋翌日, 香港公眾假期, 早上六時。
警方仍然將龍眼圍村封鎖, 大批警員在場嚴陣以待。
欣兒與金毛分手後十分害怕, 身上沒錢沒手提電話, 只好在街上遊蕩, 走了一回, 不經不地又走回到龍眼圍村, 見這麼多警察, 以為在搜捕自己, 於是便躲進圍村旁邊, 由和哥經營的廢車場裡的一部壞車裡休息, 可是她整夜無法入睡。
天快要亮了, 她實在精疲力盡, 快要入睡的時侯, 車門突然被人打開:
欣兒驚呼:「邊個呀!」
「我無惡意架, 我咁啱路過發現你係度, 想睇下你需唔需要幫手咋。蛇果日報記者, 我姓李。」
上海佬正在熟睡, 他身邊的女人則已起床, 只穿着一件薄如蟬翼的白色絲質睡衣在弄早餐, 美艷不可方物。
他突然聽到破門聲, 作為本地第一社團的大佬, 他本能反應地掏出了放在枕頭底的手槍, 指往門外。
他見到數個穿着POLO 恤, 髮型是平頭裝的壯漢進入, 然後是一個身型矮小, 戴着草帽的四眼男子進來, 向自己笑着笑:「大哥大哥, 早安, 不好意思哦, 咱們哥兒們沒嚇着你唄?」 說的是一口京片子:「老闆啊剛來香港, 想着你啊, 嚷着要馬上跟你聚一聚, 所以請大哥您跟我們出去一下唄!」
上海佬見是自己人, 放下了戒心及手槍, 笑說:「巧! 巧! 巧! 禾川哥衣服先。」 然後便上了一部白色的七人車, 用的車牌是藍色FV字首, 他心想這是行運了, 直接見京官呀! 一路上眾人有講有笑, 氣氛一流。
他被帶到荃灣的一間豪宅, 和其他人一起到了三樓的一間大房內, 打開大門, 房內只放了一張十分大的圓型會議枱, 沿枱邊座着的, 都是香港午夜十二點後的管理人。
上海佬不覺得奇怪, 更肯定是有重量級人物駕到:「嘩, 咁多位大佬!早晨喎!」數一數人頭:「全香港既渣FIT人都到齊呀!嘩勁呀勁呀! 嘩!嘩!嘩!」
雲兄撥打手提電話:「教主, 人齊喇。」
「咦, 乜你唔係北京黎架咩?」
雲兄笑笑揮了一揮手, 大門打開, 教主步入了會議室, 在枱前向各與會者躬身行禮:「各位早晨, 以呢種奇怪既方式邀請各位黎, 真係十分失禮, 請原諒小弟。」
在座眾人無不感到奇怪, 都在猜想這人身穿着華麗西裝, 但為何要戴上奇怪面具, 面具背後是何方神聖。
只有一名老者張大了口, 面露驚恐, 指着教主說:「真....真係你....?」
「發仔您好, 好耐無見喇, 你老左好多喎, 身體好唔好呀? 得閒黎我度, 我教返你幾式強身健體呀下。」
「好....好...多謝前輩。發仔老喇, 而家個世界都係D後生仔架喇, 我地D老嘢話唔到事架喇, 不如…」
上海佬搭咀:「嘩嘩嘩, 乜呀發叔你咁謙呀? 平時唔係乜嘢事都要等埋你先得架咩? 呢位呀生,幸會幸會, 細佬上海佬呀, 未請教?」
「小弟火雲邪神。」
「呀哈哈哈哈~嘩嘩嘩, 火雲邪神喎, 粵語殘片咩家陣。我美國隊長呀!」 說罷全場大笑, 只有發叔一人不發一言, 坐在一邊抹冷汗。
突然, 雲兄離開會議室, 將門關上。
「發仔你都避一避先。」發叔馬上用極速離開了會議室。火雲邪神再微微躬身:「各位請指教下小弟, 離火玄兵功!」
正午新聞報道。
美女主播:「今日主要新聞, 有傳媒今朝早, 係網絡發佈虛假片段, 話現正被警方封鎖調查既龍眼村, 已被警方滅村。」 畫面一轉, 只見欣兒在一間酒店房內, 邊哭邊將昨晚, 飛虎隊將所有村民射殺的事道出。
「我真係龍眼村村民黎架, 嗚嗚~成條村既人死哂喇, 你叫我點好呀???嗚~死黑警無人性架冷血架~」
錄影廠控制室內的導演馬上收到管理層的來電, 在他身旁的助理看着他, 他索性把電話關掉:「屌, 錄緊影唔記得刪電話添, SORRY呀!」
欣兒片播畢, 美女主播繼續:「片段係網絡上散播左之後, 即刻引發左好大既迴響, 雖然到而家我地仍然未連絡派往現場既記者, 但警方亦呼籲, 市民唔好去睇熱鬧, 亦無需要由市民去幫手查明真相。」
助理對導演說:「導演你唔被人炒, 我切。」
「炒我一個好過炒哂你地啦, 我有架車, 渣下UBER搵食, 搵少D啫, 總唔會餓死既。」
不枉是最主流電視台, 市民聽到電視新聞的報導後, 馬上湧至龍眼村, 有些是去看熱鬧, 有些是去聲援村民, 當然, 也有不少是去為警方聲援, 對罵聲此起彼落。警方也只好由各區抽調更多警員到龍眼村, 以防衝突一觸即發。不消一小時, 已有上萬人聚集於龍眼村附近。
金毛花了少許時間, 向阿叔習得了兩種神功的皮毛。
阿叔:「夠架喇, 只要能夠上到井口...」說罷, 便將剛才大便的盒子, 垂直立於金毛墮井的位置。蓋子倒下了, 盒子裡頭的大小二便全部流到地上, 登時臭氣沖天。
「嗒!」有東西於盒子裡掉了出來, 金毛忍着臭氣探頭往地上一看, 是一具人骨, 裡面布滿了屎坑蟲。
「嘩屌你咩!」嚇得金毛跳起。
「你估下係咩人黎?」 阿叔問。
「點知啫。」
阿叔笑了笑:「呢度井隔離係一個叫仁德陵既古墓, 據聞仁德天皇就係埋係果度, 但考古學家咁多年都無發現天皇既遺體.…」
「你唔好話我聽, 你咁多年都係痾屎落天皇個棺材度呀下…」
「你都有份。」
金毛馬上雙手合休:「今次真係喃嘸「痾」尼彌陀佛, 有怪莫怪, 細路仔唔識世界。」
石棺垂直而立, 二人站上去石棺頂部, 面對面而立, 雙手緊捉對方雙手, 十指緊扣着。
阿叔說:「運功!」金毛運起內力, 將內力凝聚於雙臂及雙肩, 然後二人同時將雙腳往後撐, 踩住井兩邊牆壁。靠互雙抵住借力, 二人便可一步一步往上推進。
幸好有金鐘罩將金毛雙臂堅固, 否則無法支撐下去, 雙臂會被阿叔扭斷。但要維持這個動作耗力甚巨, 此時金毛已開始覺得疲倦了。
「好! 而家運埋九陰真經!」
金毛累得無法回答, 他依照阿叔的指示, 運起初學的內功, 他感到今天於體內各器官鑽來鑽去的靈蛇又再出現, 但這次用了阿叔的方法, 靈蛇不再亂鑽, 更沒有亂撞, 而且轉得比今天快很多, 越來越快, 他覺得靈蛇已不再像一條蛇, 反而像洗衣機一樣在身體四肢高速旋轉, 四肢百骸暢快無比, 充滿力量。
「阿叔, 好爽呀!」
「叻仔, 咁快腳啦!」 二人加快腳步, 金毛覺得越來越有勁, 終於到了井口, 二人一躍而出。
屈於井內這麼久, 現在重回人世, 阿叔忍不住大叫:「YEAH....」金毛馬上掩住他的口:「o殊!」 便捉住他跳進樹林內:「乜咁激動呀, 俾人發現就仆街了。」
阿叔笑說:「哈!唔好意思, 太開心喇我。好喇, 咁我地係度講BYE BYE喇。」
「吓, 你唔係返香港咩?」
「返香港...唔喇。其實我無人無物, 去邊都無所卜謂啦。」
「你唔係話你仲有個好好既朋友架咩?」
阿叔沉默了一會, 嘆了一口氣:「咁多年我都係度等緊佢救我, 我以為我失蹤左咁耐, 可能佢未必搵到我啫, 但佢一定唔會放棄我既, 直至你出現, 講左發生係你身上既事俾我知, 咁我就乜都明哂。」
金毛完全一頭霧水:「講咩呀?」
「咔嚓」
「不要動!」 金毛看到, 有一人影在不遠處拿着一枝東西指着他們, 並用國語命令二人別動。
金毛馬上高舉雙手, 阿叔則緩緩轉身, 向那人道:「好耐無見。」
那人慢慢走近, 金毛看得比較清楚了, 他身型高大但瘦長, 一身黑衣, 面白如紙, 目無表情, 猶如鬼影。
那人對阿叔說:「這許多年來, 我一直懷疑，你才是真正既教主。」
「每當你有懷疑，每都應該諗辦法去證實。」
「好!」 那人用那枝東西指着阿叔, 金毛看見那枝東西是一根木棍, 但棍尾有一個洞, 就像一枝步槍。
「得罪了!」那人突然身子垂直鑽進地面消失。
「忍法!土盾！」
金毛四處望，阿叔站直身子，閉起兩眼，突然那人在阿叔背後兩呎彈出，往阿叔背脊開了一槍。
阿叔運起金鐘罩, 子彈射進了阿叔的背脊, 卻被背肌硬生生吸啜停住,雖然沒射進阿叔體內, 但也造成了皮外傷, 少許血從彈孔流了出來。
金毛驚叫:「阿叔!」
「我無事, 皮外傷啫。」
那人馬上跪下, 向阿叔扣頭, 也不敢抬起頭來, 說:「屬下懇請教主重整教務。」
「而家本教情況如果?」
「教主多年來...假教主多年來不思進取, 將本教各人投閒置散, 令不少教眾放棄了跟隨, 失意回鄉。」
「嗯, 咁即係本教玩完了?」
「....不是, 假教主近年專注投資, 將本教資金都放了在外地, 以致本教財政重心都不在日本之內。」
「哦? 走資派? 咁資金去左係咩地方呢?」
「下屬多年來收集了假教主的不少罪證, 佢買左澳大利亞的牧場, 歐洲的山泉, 美國的地下水泉, 以色列的科學家, 俄羅斯的燃油, 天然氣等, 最離譜的是, 他竟然投資了那個叫什麼イーロン・マスク(Ellon Musk) 的人的身上, 搞一些天方夜談的什麼火箭, 太空站開發…」
金毛忍不住插咀:「嘩, 連我無乜讀過書都知, 你呢個假教主有料到啦, 你個教肯定發過豬頭丙。」
阿叔問:「即係本教已經轉左型? 對嗎?」
那人仍跪下:「是....是的....但實非老教主的宏願。懇請教主您重整教務。」
「老教主當年傳位俾我, 都只係因為我同佢啱傾, 信得我過, 叫我幫佢暫代住教主一職, 等佢個仔成材, 就讓返個位出黎。我一向都對本教作為日本黑道最大組織, 但作奸犯科，十分反感。雖作為黑道，亦唔可以無道義。」
「教主您.…」
阿叔拍一拍金毛:「教主我就唔會做架喇, 但聽聞果個假教主係香港, 咁我都想返去凱撒桑拿沖個靚涼。」 對那人說:「你即刻幫我安排最快既方法, 我地一齊去香港。」
「噴射機早已預備好。」
金毛：「唔撚係嘛！又飛？？」
待續....
請LIKE我的FACEBOOK: https://www.facebook.com/touchpat2014/