我在老蘭被天使狩獵: 第五章:去佢屋企

「喂!你係邊呀?」
「返緊工囉!」
「今晚出唔出來飲野?」
「好啊!」
就係咁,我地就做左砲友。有時佢搵下我,有時我搵佢,總之見完面飲完野就去搞野(有時野都唔飲就去),有時開房,有時就返屋企,我地一星期會見二三次,咁就過左三個月...
「喂!你幾時放假?」我地完左事,佢伏左係我個心口度...
「星期五囉,做咩呀?」
「不如我地去睇戲丫。」
「睇咩戲丫,麻鬼煩!」
「你無戲想睇咩?咁不如我地去食飯行下沙灘丫!」




「轉涼喇,仲行咩沙灘?你今日做咩成個女人咁?」
「唔係!不過我地都三個月,都淨係扑野...唔似拍拖咁囉...」
「你地啲男人唔係有女扑就得喇咩?」佢講完又係度啜我個胸...
其實佢講得無錯,開頭我打算有得扑就算唔諗其他野,但久而久之,我覺得咁唔夠,我想更加了解佢,想更加接近佢,唔通我鍾意左佢?
「唔係呢!你話我婆媽都好,我真係好想同你睇戲拍拖,我...我想做你真正男朋友,得唔得?」
可惜佢聽唔到呢段話,因為佢已經訓左...
星期五,雖然佢百般不願,但都被我迫左出來睇戲食飯。係戲院,佢有時都會主動埃落來,但好快又坐返正;行街果時,我想借啲依拖佢攬佢,但佢都好似無咩反應咁。
「今晚開房定去你屋企?」
「不如送你返屋企...」
「咩話?去我屋企?想錯你個心呀,咁容易去女仔屋企既咩?」




咁又係,就算讀書我都未去過女同學屋企做報告,拍拖更加送到門口就算,但我既意思係送佢返屋企,唔係入佢屋企搞野...
「你想去我屋企睇咩?」
「吓...無咩呀...」講講下我又有少少興趣去佢屋企...
「咁...算啦,睇下好嘞!」
於是我就跟左佢返佢屋企。由於佢又係同家人同住(土地問題),我地好快咁入佢間房,但問題係佢間房亂過亂葬崗!佢有衣櫃但已經塞晒衫,而佢張床擺晒雜誌化妝品等,我諗就算佢自己訓都好勉強,我有啲後悔過左來...
佢關門後,就將雜誌化妝品放晒落地,我地就坐係床度。唔知點解佢返到屋企就唔同左,唔似以前咁一入房就錫同除衫,呢一刻間房好靜,而家我先真正望住佢...
「做咩?我塊面污糟左呀?」
「唔係,你好靚,你化左淡妝呀?」
「查左少少粉...」我越哄越埋,差唔多可以錫到佢。
佢捉實我個頭,錫左一下,跟住問:「有無人話你戴眼鏡個樣傻過唔戴?」




「無,因為無咩人見過我戴眼鏡。咁有無人話你張床好亂?」
「有,因為有一個就來要訓既人講,而佢係第一個陪我訓呢張床既人...」
我地無再講野,只係互錫直到濕吻,最後當然除衫搞野...
「喂,幾點呀?」
「十點喇,我今日唔使返工...」我被佢整醒左,個人仲係呆呆地...
「死!我今日返十二點呀!死喇!今個月唔係第一次遲到嘞!喂,你快啲著返衫啦!」
聽到佢咁講,我立即彈起身,而我就整冧左佢堆左係床尾既雜物。係堆雜物裡面,我見到一本好熟口面既漫畫雜誌...