我在老蘭被天使狩獵: 第二章:護士?

「你仲記得二十四年前許過既承諾嗎?」又係依個夢...
究竟我二十四年前講過咩承諾啊?二十四年前,我都係十二歲,邊記得許過咩承諾?最近晚晚都發依個夢,個夢有把女聲成日問我,但又唔講我講過咩承諾,唔通...唔通我被女鬼搞?大姐,你搞我,你都要出現先得架,得把聲!
尋晚被條低胸吊帶扑左之後,今晚我就帶住不忿既心情返老蘭,睇下條低胸吊帶會唔會返來(當然包括條大露背),但等左成晚都無出現...
「喂!烏鴉,聽講你被女扑喎,爽唔爽呀?」係阿Sam,依間吧既老細。
「爽!所以今晚返來想再爽過囉!」
「得罪咩人啫?」
「無,誤會啫!不過今晚想睇下佢會唔會出現?」
「咩樣嫁?」
吓!講真咩樣我真係唔記得,我最記得既係低胸吊帶同佢幾特出既上圍,而大露背就金頭短髮同對腳...
「金頭短髮?唔會係我識架?」Sam攞部手機出來,俾張相我睇,「佢呀?」




張相係阿Sam同大露背既自拍合照...
「你條女呀?」
「係前女朋友加助手,佢叫Tracy!」條友係咁,請私人助理係專請女既,之後就溝,大約一兩個禮拜就成為佢條女,大約過半年左右就散兼唔做,聽講佢已經溝左五六個,但佢今次個助手係女同...
「咁你識唔識佢朋友?」
「佢朋友?佢好似有個女性朋友周不時落來飲野,啊...叫咩呢?好似做護士...」
「做護士?」講真自從日本文化(AV)入侵左我之後,護士俾我既印象已經唔係白衣天使,但我估唔到護士扑人會咁應囉!
「啊...好似叫Susanna,Tracy就叫佢阿Sue既!」
「Susanna,阿Sue...」
於是依個名就纏繞左我成晚...
幾日後,我返去老蘭浦,基本上我已經唔記得低胸吊帶同大露背既事,而當我係場搵緊目標時,一隻手突然從側邊哼落我頭度...




「啊,上次咁都哼你唔死你個色狼!」
係低胸吊帶,或者叫佢Susanna,今次唔係低胸吊帶而係露肩一字膊加短裙,睇清楚啲...佢幾靚...
「咩色狼呀?你上次又唔睇住你個fd,醉係條街度,就算唔被我執,都被其他人執啦!」
「咩呀?我上走去買水,點知轉個頭就見你搞佢,咪就手執起個樽扑你囉!睇過,有無起瘤呀?」
「起左都散喇,咁耐!」
「係喎!點呀,有咩搞呀?」
「有咩搞?係老蘭仲可以有咩搞啊?」
「請你飲酒當賠罪喇!」
根據慣性劇情發展,經過一輪互隊之後,男既仲撐得住,女既已經訓左係度...
「唔飲得就唔好飲咁多啦...」其實一開始我想灌醉佢既,但一時良心發現無咁做,而佢冧左係佢自隊唔關我事...




「喂!」佢突然起身。
「咩呀?」
「開房囉!」