《千萬不要乘往堅尼地城的137號死亡電車》－實體書現已出版，感謝支持！: 《電車》已經出版成實體書，感謝您地支持！
【《電車》已出版成實體書，登陸各大書店，感謝支持！】
是咁的，《電車》連載155日，終於結束了。
在此向大家公布一個好消息，《電車》上下冊已經登陸各大書局，同各位見面喇！
兩本書篇章鋪排落咗好多功夫，而且特別收錄3個《SECRET CHAPTERS》，希望大家買套支持一下啦！
✦ ✧ ✦ ✧ ✦ ✧ ✦ ✧ ✦ ✧ ✦ ✧ ✦ ✧ ✦ ✧ ✦ ✧
《SECRET CHAPTERS》介紹
I.《SECRET ENDING：還是要勇敢吧》：如果天翔最後選擇咗「勇敢」，又會得到一個點樣既結局？
II.《後傳：要相信今天是美好的》：除咗天翔，茹霜可謂呢個故事既靈魂人物，但正傳就冇講過佢既結局。到底茹霜下場係如何呢？
III.【特別加映】《外傳：None of Your Business》：James同千琳關係一直模糊，佢地係有點樣既過去？
✦ ✧ ✦ ✧ ✦ ✧ ✦ ✧ ✦ ✧ ✦ ✧ ✦ ✧ ✦ ✧ ✦ ✧
在此感謝天行者出版對小弟投以信任，令《電車》有實體化既機會。
呢份信任係非常難得，對一位新晉作者而言更加係。
感激編輯姐姐細心校對、悉心安排，感激Designer設計咗一個咁有feel既封面，仲有無數人需要感激。
「最後能走多遠，能走到一個怎樣既舞台……就要睇我有多努力了。」
記得係連載期間，我講過呢一句話。
但如果冇大家支持，無論多麼努力，《死亡電車》係冇可能出版，走到一個新既舞台。
我諗，我真係一位好幸運既作者。
其實，出書就好似一場賭博，我未敢保證呢本書會做到咩成績。
但我絕對敢保證，《死亡電車》係傾盡心血寫既一部小說，係值得被帶返屋企既一部小說。
我諗以後仲有冇機會出版，就視乎今次的成績好唔好了。
因此，如果故事曾為你帶來一刻觸動的話，衷心懇請你能帶一套返屋企，這對小弟而言係好大既鼓勵。
小弟一定會繼續努力寫，以文字報答大家。
這是一趟，從跑馬地到堅尼地城的旅程。
旅途中，我們都在尋覓著自己。
希望大家能夠分享出去，特派朗朗感謝大家！
最後，容我對支持《電車》既您地，致意無限既感謝
一路走來，得到好多又失去好多，但如果冇您地願意看，
這部小說又能算是什麼，「狩獵夢的人」這傢伙又能算是什麼。
係落筆前，我曾經掙扎過，自己風格係咪咁適合讀者口味，點解唔轉個Style，或者可以有更好迴響呢
最後因為「強迫症」發作，我還是堅持，用自己心裏面既想法，去將呢部小說寫出黎
所以我真係好幸運，有您地做我的讀者，使我能堅持自己既文字
唯獨你在我身邊，我才不怕孤獨，只因伴我走過星海的是你。
第1話，天翔與芊琴係跑馬地總站「上車」，成為被孤立既人。
第55話，兩人到堅尼地城總站，但天翔發現被孤立已不要緊，因為佢已經搵到，真正重要既係咩。
希望大家睇完故事，聽一首結尾曲，《愛你沒差》
https://www.youtube.com/watch?v=miBGaUagOz8
沒有圓周的鐘，失去旋轉意義
我的心找不到，換日線它在哪
你的心，總有個經緯度會留下
我會回到你世界，跨越愛的時差
我只能不停的飛......直到，我將你挽回。
希望，大家係旅程終結之時，能夠搵到屬於自己既體會
最後再次感謝您地，您地係最好的！
《千萬不要乘往堅尼地城的137號死亡電車》全文完