《千萬不要乘往堅尼地城的137號死亡電車》－實體書現已出版，感謝支持！: 第47話：《一定，要幸福喔》（2）

      原來小穎一早知道，我跟咸爺決鬥後，那殘弱的傷軀根本沒可能背得起她，走完接下來的一段路……

      再過10分鐘，再沒有人可以離開安和地獄。

      她是在想，與其一起無法離開，與其一起被困絕望之中，倒不如一人犧牲一人得救……

      割脈……是為了使我死心捨她而去，為了換取我生存的機會。

      這殘忍的一切……竟是為了我而已？



      傻妹，傻得這樣離譜，想出如此無稽的點子……

      真相，卻從來殘忍如此，只是我不願接受。

      「傻妹……點解要咁做啊……」我淚如泉湧，「我係你邊個啊，你識咗呢條友半日咋！咪天真喇好冇啊──」

      柔軟的觸感。

      「小穎……實在唔想再累死哥哥喇！嗚嗚……呢種痛，叫妹妹點獨自承受啊……如果死咗既話，點同你講果句話啊……」小穎單手抱緊我，可憐兮兮的悲咽著。



      什麼……說話？

      「衰人……衰人……衰人！」她激動的拍打我的胸口，悲傷使襯衫化作淚海。

      我不明她的所指，只顧無力的緊抱著她，口滲鮮血。

      「哥哥……小穎根本唔想讀神科搵大錢，其實我好討厭讀書架……」小穎滂沱大哭，「小穎原來既夢想……咳咳……係去紅館演奏小提琴……表演Wherever You Are比哥哥聽……有冇聽過啊，好好聽架……不過，已經冇機會圓夢喇……」

      她指的「哥哥」……是親哥哥？



      我瞧著她身上的One Ok Rock官方背心，「Wherever You Are」三隻字染滿了鮮血。

      「哥哥……」小穎輕輕推開我，拭著我眼角的淚花，「聽妹妹話……快D……救芊琴姐姐翻黎……剩低幾分鐘咋……」

      「你咪傻……講好咗要一齊走，一齊食麵包……」

    「小穎……陪唔到哥哥食啦……哥哥返到去之後，記住要代小穎食麵包放題啊……要搽好多好多既抵買牌紅莓醬架……」小穎氣息漸弱，每遍呼吸也耗盡全力。

      「唔好再講……」

      「芊琴……係個好可愛善良既女仔黎架……就好似夏舒穎咁。」小穎勉強擠出笑容，渾身卻顫抖不已，「哥哥都係個好體貼既男仔黎架……其實塊面有疤痕，真係好靚仔架……」

      我聽得泣如雨下，完全無法給予反應。我瞭解現實的諷刺，卻能怎樣。

      「哥哥……你可唔可以聽埋小穎講最後一句話？」小穎輕輕推開我，渾身顫抖不已，「之後……冇機會講架喇……」



      「唔准講……」

      小穎快要暈死似的，卻從褲袋掏出一把界刀，刀鋒對準了脖子。

      在我驚愕之際，一切已成死局。

      「哥哥……多謝你給予既溫柔啊……小穎……最鍾意哥哥喇……」

      雨水尚未墜地，便染成鮮紅。

      「所以，哥哥要應承小穎……」

      小穎露出天使般的笑顏，嘴邊滲著蜜般的甜。



      「一定，要幸福喔。」
本集結尾曲
Wherever You Are（女版）
https://www.youtube.com/watch?v=eYXCjlp-wog