《千萬不要乘往堅尼地城的137號死亡電車》－實體書現已出版，感謝支持！: 第18話：《一定會殺光你們》（3）

      我立時看透了James到底有何盤算。

      「Creator如果創造咗異世界，就只有佢清楚一切如何運作。而凡乘搭往堅尼地城既137號尾班電車者，都會被送到呢個世界，相信係有Creator有動機地刻意安排。」James走近寫著血字的玻璃窗，毫不猶疑的推開了窗子，「不論佢將我地困係度目的為何，我地都只有一條路揀，就係搵Creator出黎。」

      「出黎做咩？High tea？」文杰似乎視James所言為天荒夜談，「定係好似街霸咁，決戰240個回合啊？」

      文杰總是想用暴力解決問題，在學校目睹他跟鄰班打架是老生常談，他亦說過什麼參加MMA之類的，當然一切計畫都無疾而終了。

      「Dialogue，中文譯做，對話。」James任由窗外的雨淋濕襯衫，「要脅佢將我地同芊琴送翻現實世界。」





      「要脅？點做到……」我輕輕的拉開小穎，只因James的理論讓我一頭霧水……不，簡直是置身茫茫霧海一般。我們連掌管者身分也搞不清楚，又談什麼對話呢。

      「因時制宜，我地首先要知佢點解送我地黎。但係如果佢唔願意既話，」James「呯」一聲關上玻璃窗，滿身沾滿水滴，「Destroy the creator。」

      「哈哈，早知買翻33份保險先同你地班友癲。」文杰苦笑道。

      「我……都覺得……岩既。」韻初把右手食指放在嘴邊，「我地……應該首先確認Creator既位置先……但係……佢會唔會係無形既存在？我意思係……」

      對，若果祂根本並非一個肉體，而是非形而上的存在呢？那麼如何「Dialogue」，抑或「Destroy」？





      「請選擇相信，Creator係可見既。」James只花數句便解釋了芊琴口中的「佢」，以及「佢一定會殺曬我地」。

      「留係醫院，『佢』就會殺曬我地……『佢』應該係指Creator……」我不禁打了一個寒顫。

      「殺曬我地……呢個，就係Creator既動機？」小穎揪心的握著我的手，「媽媽……」

      「所以，佢應該會主動搵我地，只係時間問題。」James說的話越趨詭異，「而且，似乎Creator對我地進行緊一樣叫『侵蝕』既野。」

      「侵蝕？」文杰、韻初和小穎異口同聲，因為只有我和James瞭解。





      「芊琴話，留係醫院一段時間既人會被『侵蝕』，」James撫摸著潔淨的尖下巴，「好可能係失去理智既意思。」

      我靈機一觸：「冇錯……可能就係因為『侵蝕』呢個現象，令係呢度既電車乘客生還者，慢慢咁失去理智……然後膚色變得蒼白……開始拔頭髮……甚至係……拔眼……」

      「嗚嗚……好恐怖……」韻初慄然的拉扯著文杰的襯衫。

      「小穎媽媽同埋隧道拍手女人可能都係被『侵蝕』咗。」James不徐不疾的語氣讓人喘不過氣來，「而Creator可能就係會收集死去既人……所以屍體就失蹤咗。」

      「呢個推測未免太粗疏。」我不禁說，James只管報以莞爾：「只係假設。」

      「喂你，無論點都好，我地應該儘早遠離1樓，」文杰獨自步向防煙門，「呢層好似散發住邪氣咁……簡直留多一陣都會癲……」

      「講起黎……係呢層的確有種心亂如麻既不安感……好似感覺到D好恐怖好危險既野……」韻初的畏首畏尾絲毫不像裝出來。

      「我都贊成落去底層先，就算Creator係醫院裏面，我地都要先取得通往所有房間既方法，百利而無一害。」James也走向防煙門，「亦即係，鎖匙。」





      「鎖匙……唔同病房既鎖匙……」我靈機一動，睜大雙眸，「係大堂服務櫃檯可能有！」

      「理論上，係。」James說罷，拉開了防煙門。

      老實說，才沒有人想待在氣氛窒息如斯的1樓，更何況沈芊琴不再這裏。在沒人反對情況下，我們徐徐步下梯階，向底層的大堂進發。

      小琴，你要撐著，等我……

      後樓梯是一如既往的死靜，在大家放輕腳步下，只會聽到醫院外微弱的雨聲。沿途小穎一直緊抓著我的手臂，有一刻我差點把她看成親妹。

      「前面就係櫃檯。」文杰指著大堂的盡頭角落，我調侃道：「唔講真係以為係雪櫃黎。」

      安和醫院的大堂跟先前沒有變化，一排排死氣沉沉的凳子前是一張黑色橫桌，那裏便是姑娘接待病人的地方。





      當然，是理論上而已……

      我們一邊步向櫃檯，韻初一邊提心吊膽的望著地上的血漬和頭髮：「其實……點解周圍咁多血、頭髮……但係醫院裏面好似冇乜人咁……」

      誰知道。