《千萬不要乘往堅尼地城的137號死亡電車》－實體書現已出版，感謝支持！: 第14話：《Creation Supposes a Creator》（2）
「點解……個鐵絲網爛得咁犀利……」韻初凡事都會猶疑一番，可文杰已經果斷的跨過那缺口，距離醫院只是不足5米的距離。
不禁想著，輪迴隧道……跟旭海總站……以至醫院到底存在什麼關係……這個詭異的空間……到底為何而存在？我們又為何會被送到這裏？抑或，一切只是個無意的偶然？
而這個看似是醫院的建築物，到底藏著什麼樣的秘密……是救贖，抑或殺機？
似乎更像是後者吧……但是，在死亡迷霧、刺骨冰雨的迫使下，我們還有其他選擇嗎？
同伴們逐個跨過鐵絲網的缺口，彷如進入了另一個世界似的。白霧之中，根本看不清醫院牆壁的盡頭，似乎這至少是一所中型規模的醫院……純白色外牆明明殘破不堪，感覺就是有30年歷史以上似的……不過怪異的是，牆壁上是密密麻麻的新穎款式的窗戶，跟殘舊的牆壁格格不入的……而在霧雨的蒙蔽下，並無法透過窗戶看清楚建築裏的情況……
在文杰的帶領下，我們找尋著醫院的入口。建築一片死寂的，毫無生人的氣息……
「係醫院既正門！」前方傳來小穎的聲線，我回過神來，往前踏了數步，視覺慘勝能見度，醫院的正面映入眼簾，它的輪廓也清楚的展現。
這棟詭異醫院似乎呈一個「C」字型形狀，亦即分左、中、右翼，包圍著一塊小空地，換個說法，就像一個「口」字型般，只是缺了一邊。被三方建築包圍的空地，是空曠的石屎地，沒有任何車輛、人、屍體。
就像一個被遺忘、死去的地獄……
可是，還是看不清它到底有多高……視線所及只目睹3、4層的窗戶……不過醫院……正常來說不會太高吧……
不過僅是沒人也足以令你膽戰心驚了，我不禁懷念起金鐘港鐵站的萬人月台。
我們久站空地的前方，背後是鐵絲網的正門，那對開的閘門正牢牢關上，似乎可讓車輛通過。
「Come on James，你對呢一切有何高見呢？你個咩Perfect Image係乜料？」文杰擦著鼻子，我真懷疑他的鼻子用超合金做，要不然擦了那麼多年怎麼仍沒有磨掉。
「Perfect Picture。」James偷看著小穎，或許只有我注意到，「今次謎題既答案，似乎係Otherworld，異界。」
「哇，天才，世事都被你看透了。」文杰不忿的冷潮道。
可他接下來說的，卻為眾人帶來了連貫性的震撼。
「有冇聽過Corpse Party？」James繼續道，我卻不禁一愣，沒記錯那是James最愛的遊戲之一。
James自行終結沉默：「Corpse Party，屍體派對，日本恐怖RPG遊戲，背景發生係一所曾發生殺童案既小學。故事講述一班中學生無意被傳送到一所異空間既廢棄學校。裏面發生好多恐怖既事，我就唔一一詳述喇。」
「咁又點？點解無啦啦比人送去異空間咁慘？」文杰苦笑著，可韻初已經畏懼得需要小穎的安撫。
James脫下眼鏡，面如土色，「佢地進行一個被詛咒既儀式，呢個儀式激怒咗死去既靈魂，將佢地扯入異空間。呢個世界觀說明咗一樣野：異界論既Formula就係現實、媒介、異界。如果冇媒介，根本冇可能由現實世界突然黎到異空間。而Corpse Party既媒介，好明顯就係詛咒儀式。」
「明顯地，係我地既situation裏面，連結現實世界同異世界既媒介就係137號電車。原因好Simple，時間性完全吻合，天翔你話你分別2次黎過異空間，係咪？而兩次都係搭137號尾班電車，137號電車似乎係必要渠道。而且，天翔提及，係電車中途發生既怪事，好可能係兩個世界之間穿梭會發生空間扭曲既關係。」
「至於異界，似乎更加唔需要質疑。呢度環境違反常理，無盡既隧道、唔存在既車站、極低既能見度、刺骨既怪雨等等，根本唔可能係現實世界既setting。我地一係痴咗線，一係身處另一個世界。」
「喂你，」文杰終究打斷了James的話，「咁就當你岩喇，我地真係由現實世界，透過咩133……137號電車黎到異世界喇……咁你到底想說明D咩？」
「Sorry for 1999。」James揉著眼眸，一副心不在焉的模樣。
「講咗咁多，想說明既就係，我地黎到呢個恐怖空間，未必係一個偶然，而係被某鼓力量安排。呢鼓力量可能係一個獨立既存在，而佢理應係呢個異世界既創造者，同時係掌控者。佢可以透過一部137號電車，將我地由現實世界拉扯到呢個死亡空間，原因不明。」
「我姑且叫佢做異界掌管者，或者叫佢，Creator。」
「點解你咁肯定有個Creator？」我笑道，內心卻感到一陣毛骨悚然。
「有空間，就必然有創造者，Creation Supposes a Creator。」James淡然一笑，「不過呢位Creator，似乎對我地不懷好意，想透過137號電車置我地於嗜血地獄呢。」