【校園】【微甜】三日兩夜生前死後的宿營: 宿營外(1)-3: 可以這樣通關？！

時不宜遲我地落山轉入叢林，儘管叢林大我地無分頭搵 check point, 萬一失散左有排搵對方就得不償失，今次無辦法唔由我打頭陣，萬一睇錯指南針走錯方向就一定唔可以時限前完成，我本來就係以太陽做方位，有樹影做指示實無錯，後面兩個女仔就有講有笑手牽手如林中散步輕鬆，不過她們既步伐就飛一般快所以我都無理會她們，只要她們跟得上我既步速就沒問題。 

據我猜測叢林既check point係最難搵, 果然無錯係最難搵……其實唔係難搵，因為當我地去到附近既時候發現有另外兩組圍住某一個位，所以唔難知道check point係果到，不過最大問題係點樣打卡，事關它掛左係一棵超過十米高樹上，我真係忍不住暗罵，呢d甘坑人既事究竟係邊個白痴諗？！

我都係第一次見到會係樹上，萬一棵樹被人砍左或者吹塌左，或者好似依加甘變得甘高，你叫人點樣搵？唔係應該係一d無甘易變動既地方咩？
但是依加當務之當既係，點搞好？
 爬樹我無問題，以前係鄉下玩通山，呢d野濕濕碎，問題係我旁邊既兩個女仔。

她倆抬頭望住果棵高高大大又粗既樹，靜止左大約十秒，然後望番視平線的方向你望我我望你。

好啦，我已經知道她倆完全不曉得爬樹！

 不過小雪無啦啦掉頭走開，然後係附近草叢樹葉不停轉來轉去，甚至有股想跑落山，我急忙按住她問：「你係度做緊咩？」
 她抬頭望著我，第一次被女仔甘樣直視，眨兩下眼好天然呆甘反問我：「如果上唔到去，甘周圍應該有繩或者爬樹工具之類可以借我地上樹。」
 「 邊有咁大隻蛤乸隨街跳，你估呢度附近有五金舖咩？」
 「甘唔係點通關？借武器打過關本來就係常識啦！」
 「你估呢度係遊戲世界？話要咩有話咩。」
 「下？我地依加唔係玩緊遊戲咩？」
她居然仲燦爛笑容回敬我！





不過小雪，你既好朋友都無理會你掛住影相自拍，你覺得真係會有工具可以借用？ 她無理我跑落半山腰，其中有一組放棄爬上去直接係地上低炒勉強見到check point就當完成離開，不過我覺得應該唔會過關，因為果點好似反光根本唔會睇得清楚，轉頭再望已經唔知小雪跑左去邊，而小雅就唔知點解走近剩低一組一齊傾計……唔係傾計，講左無五句班人就點頭突然間好興奮就走開左，於是附近就只係剩下我地三人，我好奇小雅做左咩：「你叫走左佢地？」
 「嗯，我叫走左佢地。」
其實我係想知你點解要叫走佢地，不過好快我就知道答案，因為我見到小雪從山腰跑返黎，手裏無啦啦多左幾條好粗既登山繩，而且仲係全新連繩結都未拆開，仲有一張白底黑字既紙。

 「小雅，你趕走哂d人？」小雪興沖沖笑問。小雅點點頭：「小兒科啦，不過我無諗過真係比你搵到登山繩，如果唔係你send張相話比我知我真係唔信。」
 「係囉，差d搵唔到故意放係一堆樹葉裏面又係近似色，甘好彩比我好快搵到。」

 原來兩人發現根本無可能爬上樹時就覺得唔對路，然後小雪認為會有其他工具可以幫手上樹並且藏起來，而她們分工合作一個去搵工具，然後當真搵到用具，另一個負責趕走其他組方便我們行動。
 睇黎真係活動準備既材料，只係無諗過進行得甘順利，兩人望住連繩附送白底黑字既說明書一邊睇一邊綁結，我低頭睇住兩個一頭霧水甘攞住三四條繩左砌右拼，我暗嘆口氣蹲下來取走地上的繩抓住繩頭一下子綁左兩個結，另外幾條如法炮製，兩個人驚訝得口張大到可以塞滿一個西瓜。





呢d小事交玩過野外求生既我啦！
問題係綁完結後……
 我尷尬甘攞住三條綁實左既繩，走到小雪面前：「唔好意思，我綁住你……」
「下？！」