[信不信由你] 青少年經歷: 1
出黎做野咁悶 唔知大家想唔想返去做學生既時候呢
而我一靜落黎之後就會成日諗返起學生時代所發生既每樣野
今次我想講下自己既經歷 希望第時有d細節唔記得都可以黎呢度睇返啦
十五歲既時候 唔知大家會做緊咩呢
通常男仔都係打機/J/波 etc 女仔會唱k/行街
咁我都當然係打機啦
先講下我個人先 高高地又無高登仔咁高 毒毒地又無高登仔咁毒 正正常常又無高登仔咁靚仔
但係都算多女仔朋友
以下講既係我中學經歷 少甜
女主角叫小莉 我就簡稱自己做阿腳先啦
以前我個miss好
話男女坐隔離 考試唔會肥 因為佢覺得男仔按道理應該無野同女仔傾/玩 可以專心聽書
所以成班無論去禮堂又好調位又好做乜都好都係男女男女咁坐
我當時個心都仲係毒撚一個 好怕同女仔講野
小莉亦都係斯斯文文著條校裙 白白淨無性病 頭髮長長心地善良
最初頭果兩個禮拜大家係零交流 我有我玩手機貪食蛇 佢有佢睇埋d淫夢園小說/歷史書
過多一個月之後 佢無啦啦用手指尖掂我膊頭 阿腳....
我果陣時真係
因為佢唔同我講野 日日係度等下次調位調去其他活潑d既女仔隔離
我就懶鎮定咁答佢:「咩料
」 佢話:「你知唔知黑板條數點解呀
我唔明呀」 等我望一望 屌 原來咁簡單
白痴程度接近 2x+4=12
用左五分鐘將詳細步驟說明+寫出黎
佢一路聽一路點下頭咁 跟住就話:「睇唔出你maths都幾好喎 次次欠功課都有你份 以為你唔識做唔交」
我心諗:「d數咁戇鳩 做都晒我時間 返屋企睇下電視唔好
」 但係把口都係話:「唔記得嘛 又唔想問人借黎抄 咁咪費事交囉」
佢無啦啦好撚熱心咁話:「不如我提你交啦 你畀本手冊我幫你寫咪記得囉
唔識又可以問你」 我就話:「是但你 我打機先 (貪食蛇+俄羅斯方塊
) 」 就咁開始左我同佢仲有其他人既回憶啦
十月雖然仲係熱熱地 但係夜晚同日頭都差成五度
中學成班男仔最鍾意就係三點幾打波打到六七點再返屋企玩online game
果期我果邊最興玩aoc
晚晚都聽到波斯大笨象既慘叫聲同埋投石車聲 四打四雖然lag 但係好爽
打到埋尾果下 無啦啦電話響 我去房度拎電話聽果陣就hold住隊兵
諗住唔攻都唔會死啦
我:「邊位
我而家好忙 短期內唔會打返畀你都唔好打畀我 bye」 咁就即刻返去攻人地 點知見到同盟個個開始走 得返我隊游俠戇鳩鳩食賓周咁企係度畀人圍
最尾梗係輸左啦
差唔多十二點果下睇下乜水打黎 原來係小莉
見咁夜就無打畀佢 sms佢睇下訓未
點知未訓 問下佢咩事
原來係有數唔識 又係d x+y=10 既數
咁我就同佢傾傾傾 一路傾一路做 整整下我原先諗住欠既功課都做埋
佢就話:「多得我問你野 你聽日唔駛無功課交啦
」 把聲仲要嗲嗲地咁 我小毒撚既心態係果一刻只係答佢:「你低音少少好無
成世仔最怕雞仔聲」 佢:「把聲生出黎架 點樣話變就變呀
」 我:「唔變咪唔變囉 咁串做乜柒
」 最後大家都好炆咁收線
以前一班人食飯 打波同打機真係好正
我諗無野係開心過做中學生果陣 唔駛煩會考同前途 咩都唔駛理 唔駛好似出黎做野咁爾虞我詐
如果而家可以畀一萬去返中學個階段同班朋友再嘻嘻哈哈 我一定會畀
第二日返學遲撚晒到 八點上堂我八點半先起身
返到去畀訓導屌到我戇鳩鳩
入到班房成班望住我
心諗遲個到咋嘛 駛唔駛幾十隻眼望住我
過左幾秒有個仆街仔大叫 腳哥 你無拉褲鏈呀
我真係屌你老母
柒過柒咕碌
返到去小莉望都無望過我 仲要好似d小學雞咁擰轉面 個角度斜過斜恩
我都無理佢照玩psp 以前中學玩psp真係好爽 而家可能要有iphone4先可以返學
果堂我好記得係上緊物理 黑板寫d數都幾深下 我都唔係好明 小莉佢更加唔撚識啦
教左一陣個仆街阿sir無啦啦話要小測 畀廿分鐘我地準備 個個都即時屌屌聲
我快過小明咁做完 因為有一半識一半唔識
我停左筆仲見到小莉寫緊
按道理佢應該寫完自己個名就可以停架啦喎...
望下佢寫咩 原來寫埋晒d無可能既答案
明明叫你計wave 你寫條牛頓定理出黎把撚咩 我就眼光光等收卷
到最尾五分鐘 我見到有個仆街仔出貓 唔關我事就梗係唔理啦
佢見到阿sir行埋黎就張貓紙渣埋一舊踢過黎 我同佢係隔住條巷 佢一腳踢黎我呢邊
阿sir見到舊紙打開黎睇 全部都係formula
就問:「腳同學 張紙你架
」 我無出聲 諗緊點樣唔駛篤爆個仆街仔之餘又唔駛連累埋我
阿sir再問:「唔係你即係小莉同學架啦 係咪呀
」 小莉即時
---> ---> 我見到佢驚到m都出黎咁滯 就好戇鳩咁同阿sir講:「係我出貓 對唔住」
最後就畀人帶走左
最撚灰係佢見到我部psp仲收埋叫我老母拎返
果日係我中學生涯中其中一件黑歷史
老母病左仲要去學校
係一剎那真係覺得自己好蠢好撚不孝 唔知點解係呢件事上面自己竟然會幫佢 仲有個仆街仔
反而最心痛係麻煩到自己老母 佢一句都無罵過我...
因為佢知我寧願0分都唔會出貓 佢估我係幫人多...
所以各位真係要好好孝順雙親呀
第二日又黎到啦 中學期間趙海珠仲有做主播 日日都除定褲等睇晨早新聞
成日睇到遲到咁滯
落到樓下諗住跑既時候 見到有個紮辮既學生妹係度 著同一間校服喎
呢條撚樣唔通博遲到 無理佢照返10000km/s咁跑 差唔多去到佢面前望下佢乳溝 屌你正呀喂
大小適中又堅挺 白皮膚襯黑吊帶 正喎
望下佢個樣 仆你個街 好撚正喎 眼大大瓜子面 (其實而家望返唔係好正 可能果陣時細路仔無乜見過女人
) 佢又係柒下柒下咁係度等運到 唔知佢做乜鳩呢
不過學校有條咁正既女既咩 個樣似十五六歲 即係同form啦 無理由未見過
不過算啦 返到學校先講
返到去班房 成班毒撚聚係個角落度 睇下有乜野咁吸引先
我屌那星 原來捉緊圍棋
成班人以為自己係佐為 睇棋魂睇到上腦 返到自己位 小莉就細細聲同我講「尋日真係你出貓架
」 我懶溫柔咁哄埋佢耳邊講:「我屌啦 我最不屑就係出貓呀 見你差d畀人屈先幫你咋」
佢即刻
咁既樣 炆炆地咁話:「好地地做乜講粗口呀 關心下你又要畀你罵」 整整下都費撚事理佢 唔出聲對佢係最好
反而令我介意既係今日條女係邊個呢 咁索咁正點會無人講無人知呀
lunch time 又係成班人食完lunch打波 但係我只會食唔會打
一來食飽我相信無人想打波 盲腸炎就大撚鑊
二來唔想成身濕晒去上堂
所以我一定會響圖書館涼下冷氣訓下覺咁
點知又見到個小莉
一日見佢n咁多次真係幾煩 我扮睇佢唔到咁去角落頭度訓覺 點知佢又用隻凍冰冰既手指去篤我膊頭
口窒窒咁講:「阿腳對唔住呀 誤會左你 請你食朱古力同三文治啦 頭先上家政堂整架
」 以前我果邊係男上木工堂 女上家政堂
我起身望一望 屌 兩塊包夾堆爛菜就話三文治
就同佢講:「三文治就唔駛啦 最憎食生番茄 食你粒朱古力就算啦 唔好再屈鳩我啦」
佢就答:「知啦知啦 唔好加粗口得唔得」
我無答佢咁食粒朱古力 突然有種窒息既感覺 (真係無吹水)
大叫:「呢粒乜撚黎架 咁甜既」
佢就話:「朱古力囉 唔好食咩」
我就講:「都真係幾唔好食 你係咪落左一噸糖」
佢話:「唔知呀 但係就落左好多 」
我話:「我唔食啦 你食埋我果份啦」
佢粒聲唔出眼濕濕咁走出去 果一刻同平時既佢唔同 不嬲佢行路都慢慢行 今鋪係快過小明
正當我追出去之際......
條仆街圖書館管理員捉住我
「同學 你頭先大叫又大聲講粗口 完全係目無校規 請你交出學生證」
畀條仆街阻一阻 真係屌佢老母 眼白白見住小莉走 唔知點解有少少內疚
食完飯返到班房 見到小莉係度睇書 我自自然然無煩佢啦 當無野發生過
呢堂係英文堂 我英文不嬲都唔太好
所以就放棄係度發白日夢 佢依然係咁睇書 好少見佢咁唔專心
不過佢專唔專心都唔關我事 食完佢粒死人野喉嚨痕到仆街 係咁飲水
大家成程都無講過野
上完英文堂就上經濟 我讀理科唔知點解選修科揀撚左經濟
去到其他班班房
竟然畀我見到有人玩返d懷舊野
neo geo pocket colour呢部機
佢有隻snk vs capcom好撚好玩 依家應該無乜人識
講返正題
我其實對經濟都無乜性趣 不過迫於無奈都要揀
好彩我同其他幾班既人都有兩咀 所以都唔會太悶
其中有幾個男仔仲成日一齊打下波同機咁
於是我就問下佢地知唔知我地form有條女好正
佢地問我有乜特徵
我答:「波大腰幼洞窄水長流」
佢地
--->
---> 果一刻畀人屌到反皮
叫我唔好諗咁多 可能撞鬼/性幻想 我真係
又黎柒頭皮既一刻 中學既老師唔知點解好鬼鍾意叫我答問題
成撚日要問到我口啞啞先甘心
miss又黎:「阿腳 你識唔識答呀 唔識就要幫我擦黑板+拎粉筆喎
」 屌那星
我班房係六樓 拎粉筆係一樓
返到屋企都仲諗緊個靚女 明明著住我地校服又點解見唔到佢呢 唔通真係撞鬼
同埋咁對小莉會唔會唔係幾好呢 話晒都係女仔 皮就薄d
但係整野食難食呢個係事實
我只係表達我既不滿同意見 (果一刻我真係咁諗 ) 諗下諗下就訓著左啦
今日早左醒 因為畀老母嘈醒 佢要返工唔得閒煮早餐叫醒我自己食
望一望個鐘 真係青蛙屌鯉魚....
六點半 咁早叫醒我把撚咩
刷左牙落去粥鋪買粥食 係粥鋪竟然畀我見到個靚女
下意識就即刻避佢 因為個頭亂到仆街同成面油
佢依然係著住我地校服 乜撚野理由著住校服又唔係我地學生呀
閃閃縮縮咁買完就走返屋企啦 仲執正個頭 今日一定要搵到條女
食完之後就搭"車立" 間學校好撚正 基本上八九成學生都住附近 個個都可以行返去咁滯
去到樓下 做乜膊頭又寒寒地既 明明十月中都無咁涼架喎
望一望 又係小莉
不過佢今次係拍我膊頭 所以比起佢用手指篤我係寒左五倍 我話:「你係度做乜呀」
佢話:「等你囉 我問左盒仔你住邊呀
」 係呢度要講一講 盒仔係我最好既朋友 我同佢既性格唔多似
佢好鍾意睇下書同玩d好撚冷門既野 我就訓覺同打機
但係唔知點解就好好朋友 我老豆老母都一直以為我係gay
入正題
我問佢:「你做乜查我咁變態」
佢就笑笑口咁答:「你估下啦」跟住塞左個盒個黎
一打開 又係劣食
正當我想話食左早餐之際 見到佢隻手損左
盲亨都知係煮野食果陣整親啦
算啦算啦 豪一次畀佢
一啖食左落去 又唔係想像中咁難食既
我話:「今次呢個三文治有進步既 不過你做乜落紅椒既
」 佢好奇怪咁答:「乜野紅椒呀 我切爛晒d牛肉整鹹牛肉三文治咋喎」
我
---> ---> 原來條撚樣未煮熟 仆街....
算啦算啦 下次佢請我食鮑魚都唔食啦 無論佢自己果隻定溏心果d
佢仲要好撚熱情咁話畀盒牛奶我
話:「d人話朝早飲奶對身體好架」
自己再係個心度打飛機咁洗腦 佢都係對我好jei 想贖罪同多謝咋嘛
唔好辜負人地好意
飲完之後大約兩分鐘到 果一刻亦都令我一生難忘
個肚好似鐵達尼咁斷開再沉
我死忍咁同佢講:「我留左野呀 你...你返學先啦
」 佢話:「咁好啦 陣間見
」 結局係我又做左不孝子 勞煩老母照顧我
佢問我係咪亂食野 點解又痾又嘔
其實我都想知點解
病左果三日係不停訓訓訓 個病係急性腸胃炎
可能我由細到大身體都差掛 好容易病
呢三日係床度諗 究竟條女係邊個呢
大家都知小學雞心態好易見到靚女就心掛掛
我果時都唔例外
到第四日 見到黑板貼左張紙就知成班又係度大執位
我今次係單邊位既隔離 即係我右手邊係單邊位
左手邊係邊個呢
屌 又係小莉
同班主任抗議果下 佢好冷淡咁話:「你呢排都少欠左功課 小莉數學又好左 咪坐多排再調囉
」 我真係調你老母
小莉係度話:「幾好喎 又有得一齊坐 話時話做乜你病得咁重既
」 我話:「醫生話食左d唔乾淨既野呀嘛 咁咪病囉
」 小莉仲要戇鳩鳩咁話:「咁你真係要小心d食野呀
」 真係屌那星 you konw what the
er saying 陷家令 成班坐定之後 miss就拎住支咪宣佈有新仔入黎
成班都勁撚期待 我都梗係有啦 想知係咪靚女呀嘛 係靚仔就屌老母
講講下 miss又話:「阿腳 你咁虛要做多d運動 我唔記得拎粉刷呀 幫我拎呀唔該
」 都係果句 miss畀人屌老母 我地排隊帶定帽
行行下就諗 會唔會係個靚女呢
究竟又會唔會呢
拎野果下個校工問:「做乜成日都係你拎既 你梗係做好多衰野激親老師啦」
講多句都晒鳩氣
上到去見到班粉腸係度自我介紹
逐個逐個好似打靶咁起身
我返到入去都企係出面介紹下
「我叫阿腳 最鍾意係打機同攤係度乜都唔做
」 成班人笑到仆街 笑點係乜
係我個名 仲要係全名 我個名真係好難聽
望一望個轉校生 真係
原來係一個好撚矮既女仔 仲要唔靚
我果刻真係失望到震 竟然唔係個靚女
人地就細細粒容易食 呢個真係細細粒唔撚食
照舊又係上堂啦 呢排同小莉關係好左少少 大家都會傾下計msn下
佢係一個無乜興趣既女仔 識落覺得個性格好好 至多係睇書西
唯一差少少就係把細細聲 成日都陰聲細氣 嘈少少都聽唔到佢講乜
仲有隻凍冰冰既手 失驚無神畀佢掂一下真係嚇到鳩都縮
旁人都覺得我地有機會發展 因為小莉無乜男仔朋友 佢班八婆朋友都覺得我同佢三九唔識七
點會有共同話題 我不嬲都好少理 我有我同佢玩 關你鳩事咩
有日佢無啦啦話不如一齊睇場戲 咁我就話是但啦 反正無野做
去到集合點 我著tee 沙灘褲 黑紅色人字拖
佢就素顏著條黑色連身裙
去下屋企附近既商場駛唔駛執到咁正呀....
果時未興連身裙架我覺得 係街度好少人著 依家先多
我話:「你陣間有地方去咩」
佢話:「無呀 睇完戲你行唔行一陣再食飯
」 我就話:「睇完先算啦」
入到場 套戲個劇情同我想像差十條萬里長城
小莉就好肉緊咁睇 睇到
而我就坐坐下就訓著左.... 完場之後佢問我:「乜好悶咩 你唔鍾意睇做乜唔一早講 可以轉呀嘛」
我答:「估唔到真係咁悶 你既興趣都幾冷門」
佢即刻變左
咁既樣 我話不如去睇下書啦 反正你鍾意睇書
佢即時笑返仲箭步行過去 次次一見到佢呢個樣就心軟 以前同而家都係....
點知去到書局......