惡魔也有善良的嗎?: 第四章

[阿哲,你呢幾日搞咩黎呀?做個樣錯個樣既?係咪有D咩事?]鳳玲皺起眉頭說.
 
[冇呀,可能呢排唔係咁夠訓掛,你知啦呢排多野做望嘛.]阿哲尷尬地笑說.
 
[你要唔要請個病假返去休息下呀?]鳳玲說.
 
唔講由自可,一講病假個個就好似順風耳顯靈呢兩個字就聽得特別清楚,無他既
 
個班無人性既主管經常都話唔夠人做野要人OT,所以入得黎做就真係唔好諗住話
 




收個6點返屋企食飯,你諗都唔好諗呀啊加上呢排非常時期請病假就真係免喇,
 
除非你就跛左D手手腳腳啦,唔係既話D主管真係日日針對住你.
 
再講,佢地呢D所謂既經理啊,主管啊,日日都係嘻嘻哈哈,談笑風生坐到6點就收
 
工走人架啦,得閒冇野做咪陪下你地坐多一,兩個鐘先走又有OT錢收,一個字”正”
 
[啊…..哈哈…唔洗喇!我一陣對罐咖啡就OK架喇,你都係幫我搞左呢個先啦]阿哲說.
 




叮噹!!!叮噹!!!
 
背後大門的門鐘聲响起……咔噠!!!!門被推開進來的是個男子….
 
[你好,我約左今日黎見工架.]男子說.
 
[哦!!見工呀,你過隔離飯堂坐坐先.]
 
應佢既係我地既主管之一,阿健.
 




阿健係我地呢到做得最耐個位,由普通小員工一步步爬到上主管既位置,聽講都做
 
了十幾年,而且係佢第一份工仲有人話佢係中三就冇讀書走左黎做.
 
佢呢個人睇落肥獅大隻,但講野就有文有路,實質白痴仔一名,最叻就係奉承,見高
 
就拜見低就踩,好多傳聞仲話佢個位係擦鞋擦返黎,對住上面位個D就拾熟狗頭,
 
對下屬就句句三字經,不問因由噴左你先,所以佢本人既民望就真係麻麻喇,
 
加上佢位高權重個個人俾人罵都係硬食,無計啦鬼叫佢大粒過你咩.
 
[喂,阿星!呢盒野就最後先搞WOR,我地開埋其他野先啦.]阿哲問完回來說.
 
[好啦,唯有係咁!]阿星說




 
[阿哲,係咪有人黎見工呀?]阿歐突然出現問.
 
[嘩!嚇死咩,無啦啦彈出黎講野,係啊!有人係黎見工啊.]阿哲摸摸心房說.
 
[咩人黎架知唔知?]阿歐好好奇地問.
 
[咩人黎呢我就唔知喇,不過睇佢外表就怪裡怪氣咁,男唔似男,女唔似女咁
 
個人又瘦,個殼呢就似男人個樣就似女人,仲要留埋D死人長髮,唔知似乜.]阿哲一輪咀咁講.
 
[唔係WOR.你睇個邊班PT 學生妹睇到濕哂咁既樣,個個仲好似輪住出去裝水,順
便望下咁,好似話好靚仔咁.]阿歐說.
 
[唔係掛,講靚仔我認第二仲有人敢認第一咩!]阿哲一臉驚訝的說.




 
………………………………………………………………………………………………………….
 
氣氛立即冷掉,烏鴉都有幾隻走埋出黎.
 
[咦!你地睇下!!個條女仲有返工WOR!!!]阿哲立即轉話題說.
 
[哦,你女神嘛,成倉都知啦,唔係!!應該係話大家既女神]飛哥都彈出黎說.
 
[係囉係囉,都十月啦仲以為佢返學添.]阿哲眼金金望住個女仔說.
 
呢個女仔叫Sarah,係上年暑假就入黎做個包裝暑期工,聽講係某個包裝阿嬸既
 
姨甥女,大學生今年畢業,個子高高目測都有成168CM高,皮膚白長頭髮,五官端正
 




眼大大,鼻高高.經常紮個高馬尾,唔係經常笑所以俾人有冰山美人既感覺,每次見
 
佢行出行入個個都停哂手腳望一望充下電咁,呢D咪叫萬綠叢中一點紅囉.
 
[阿哲你幾時去媾佢啫,望都望左成年喇,人地畢埋業就唔係呢到架喇WOR!]飛哥一語中的說.
 
[算吧啦,呢D大學生點會睇得起我地呢D咕呢呀.]阿哲死氣沉沉的說.
 
[你媾左喇咩,又知人地睇唔起,可能佢都睇中你呢,哈哈]飛哥再說.
 
[你睇我一副寒酸樣就知啦,孤獨一生架喇,係屋企打下丁丁就算,哈哈哈]阿哲嘆了口氣說.
 
[咁你又唔好咁講,雖然未去到好靚仔姐,都叫見得下人啊,眉清目秀襯個極短既髮
 
型成個黃曉明咁都幾型棍啊,再加埋一身鋼條般既肌肉係女都冧你啦.]阿歐講到似層層的說.




 
[吾…..你又好似講得好岩!!!]阿哲沾沾自喜地說.