惡魔也有善良的嗎?: 第一章

一個成年人每天都需要工作,每天都重覆著同樣的工作,那些覺得很煩厭的工作,
 
一日做成12個鐘為咩?為左錢囉就係.
 
試諗下一個人朝早就返9點,晚上又係收9點,返到屋企都10點幾,沖埋個涼搞下
 
其他野都11-2點喇,你話打份牛工做生做死搵得個雞水咁多,自己D時
 
間又冇哂為咩?咪又係為左錢囉.
 




人生在世廿幾三十歲又冇車冇樓冇女朋友,係港資大公司做下倉務,日日都係擔擔
 
抬抬咁,加下班都搵得下錢,再加上朋友仔介紹下搵到個靚單位租黎住下,200幾呎
 
乜都有齊,一個住都咪話唔爽皮.
 
講咁多不如入正題,拿!!咁我就講返多少先啦,我呢就叫唐哲單身又冇屋企人,點解
 
冇屋企人?沒錯就死哂喇,你話得返自己一個唔悶架咩?悶架有時一個人係屋企都
 




驚驚地有鬼架.
 
其實就咁既係2年前,有條友係碼頭釣釣下魚無意間發現我,當時就緊係拿拿淋報
 
警啦,當時佢又唔知發咩好人心,跳落海救左我上黎,發現仲有氣息就即刻同我做
 
急救,係我有記憶以黎我既初吻就好似係俾佢,白車黎到仲陪埋我入醫院,佢真係
 
唔話得喇,係我醒返之後第一個就係見到佢喇,同時又發現我失左憶以前既記憶乜都
 




冇哂,所以佢就係我失憶後既第一個朋友,佢叫鳳玲,而我份工都係佢介紹入去做,
 
因為佢都係係入面做,不過就係做D文員仔,間屋亦係佢租俾我,唔係!!應該係佢親
 
戚租俾我,我真係好感激佢.
 
呢兩年過得幾開心,有一班同聲同氣既好同事,雖然大家都係一路做一路屌公司
 
點點點,但都做得幾開心,一齊玩一齊笑一齊俾阿頭屌,直到前一排收工返屋企遇
 
到個怪人,最近既生活開始有左變化.