<第叄期實體書,經已有售>今年我三十三歲,回到了1998年 (校園、穿越、奇幻): 第二部曲 Chapter ２２　教會

Chapter ２２　教會
 
萬黛在前方引路，我與布正麗變成隊頭，原本走在隊頭的呂靜宜、楊鳳瑤與宛琳珊變成隊伍的中間。
 
萬黛遙指前方的一座建築物，道：「前面就係喇！」
 
我擔心其他人的狀況，要布正麗跟萬黛先走，我獨個兒向隊尾走去。
 
我碰到楊鳳瑤，有運動習慣的楊鳳瑤跑得比宛琳珊和呂靜宜快，所以她先走了上來，楊鳳瑤喘著氣道：「你仲咩停喺到啊！嗰班人追緊上嚟喇！」
 




我往隊尾瞧去，果然那群拿著武器的惡徒與隊尾的會員已經很接近。
 
未幾，殿後的Humphrey、萬喜、尚興國、關國安四人已經與對方短兵相接，纏打起來。
 
這裡不是旅遊巴車箱，對方能夠發揮出人數的優勢，四人且戰且退，對方的武器從四面八方向他們襲來，有不少都命中他們身上，四人左支右絀情況甚是兇險。
 
兩手空空的我，瞧見放在路旁的垃圾埇，沒有多作考慮，走上前奮力把垃圾埇高舉到頭上，喊道：「借開啊！」
 
尚興國等人回頭一看，立時向兩旁退去，我使盡吃奶之力把垃圾桶扔過去。
 




垃圾桶扔在那群惡徒身上，暫時阻絕了他們的行動，為尚興國等人爭得一些逃跑時間。
 
我加入他們的殿後行動，催促前方的會員，道：「再走快啲啊！殺到嚟喇！」
 
另一邊廂，隊頭的萬黛已經趕抵教會，自強會的會員陸續走進教會避難。
 
趕來的楊鳳瑤看到布正麗向門口的汽水機投幣，急道：「布甸，妳依個時候仲有心情買汽水？」
 
布正麗問道：「楊鳳瑤，快啲將妳身上嘅散紙畀晒我。」
 




楊鳳瑤看到布正麗的腳邊放置了幾罐雀巢咖啡，楞了楞才把身上的硬幣盡數交到對方手上。
 
從旅遊巴逃脫開始，我們已經跑了好幾公里，並不是所有會員都有運動的習慣，這樣的逃亡很多人也吃不消，行動亦變得緩慢。
 
現時我們的情況猶如當年劉備在新野扶老攜幼的大逃亡一樣，身後有曹軍的騎兵追趕著，只能拚死的向目的地前進。
 
我們殿後隊伍死命的抵抗，有幾次差點被拉倒在地，幸好第二排的游大輝、阿興、榮仔等人作出支援。
 
我鼓勵道：「前面就係教會喇！撐住啊！」
 
正當我們終點在望之際，驀地有數名大漢越群而出，趁我們一時鬆懈作出突襲，尚興國與關國安被撲跌在地上，其他惡徒向倒在地上的他們拳打腳踢。
 
此時，一件硬物從我們的頭上飛過，重重砸在其中一名惡徒額上，那名惡徒的額頭立時血如泉湧，擊中對方的物件在對方的腳邊打著轉，我定睛一看赫然是一罐雀巢咖啡。
 
說時遲那時快，雀巢咖啡接二連三從我們身後飛出，準確地命中那些惡徒身上，我們無暇理會那些雀巢咖啡是從那裡來，合力拉走尚興國與關國安，使用最後一分氣力向教會奔去。




 
布正麗站在教會門前，擺出投球的姿勢，我正想要問她要做什麼？為何還不走進教會避難？
 
這時，一罐雀巢咖啡從她手中甩出，雀巢咖啡呈一拋物線飛向那群追趕我們的惡徒陣中。
 
走在第一排的惡徒瞧見雀巢咖啡朝他飛來，他向旁一閃，避免中頭獎，可是那罐雀巢咖啡正擊中身後的史子義。
 
史子義用手捂住鼻樑，鮮血不斷從指縫間流出。
 
布正麗想要擺出勝利的慶祝姿勢，我卻把她拉進教會內，再順手把門關上，我們幾經辛苦終於走進了教會。
 
＊＊＊
 
原本王炳、史享、阮顯甫都是跟隨大隊去追捕成皇志等人的，可是史子義知道時間有限，安排他們在市中心四周搜索走失的北韓女人和蛇果記者。
 




三人在四周巡查借故聚眾生事，看到有途人在街上經過便上前截查，就算對方只是經過的路人，亦遭受他們的棒打。
 
他們一向在元朗橫行霸道，但總不至於像此刻般橫行無忌，三人中尤以阮顯甫為甚，雖然他平常值勤的時候，行為已經與黑社會差不多，現在把身份隱藏，他的歹念更加沒有節制。
 
三人與一眾歹徒追趕兩名少女，兩名少女只是從市區回家的普通市民，突然發現街上有一群拿著武器的歹徒追趕自己，嚇得她們花容失色拔腿就跑。
 
其中一名少女邊跑邊問道：「救命啊！仲乜追住我地啊？」
 
少女的提問沒有得到任何答案，更不幸的是兩人走進了掘頭暗巷，無路可逃。
 
面對阮顯甫等人的步步進迫，他們眼神流露出的陰騺，讓兩名少女知道他們不懷好意。
 
另一名少女求饒道：「唔好啊！對唔住啊！可唔可以放過我地啊？」
 
夜色漸濃，藏在這些人心中的路西法變得更加張狂，他們認為自己就是保鄉維族的英雄，對方就是入侵他們家園的敵人，儼如一群破壞他們魚池和農田的害蟲，就算殺死他們也不過是一件等閒事。




 
藏在面罩下的阮顯甫，更加抽離了本身的角色，成為由慾望、歹念操控的惡徒，他沒有理會兩名少女的求饒、哀號，肆意去凌辱對方。
 
那群無知的歹徒視阮顯甫三人馬首是瞻，他們抱著罪不責眾的錯誤觀念，心中的道德底線沒有下限，輪流去對兩少女進行凌辱。
 
文明的國際大都會，在今夜的一偶，發生了一幕又一幕讓世人震驚的野蠻暴行。
 
暗巷回盪著施暴者的嘲弄、獰笑；受害人的哀號、悲鳴。
 
＊＊＊
 
我們一行四十多人走進教會，瞧見一名神職人員打扮的慈祥老人，我們還未表明來意，慈祥老人已經道：「我知道你地要搵個地方休息下，上去二樓飲杯熱茶，其他野遲啲再講啦！」
 
萬黛道：「唔該晒你啊！張神父。」
 




我們跟隨張神父走上二樓，發現二樓的大堂有十多人，他們有些人在接受包紮救護，看到我們有這麼多人走進來都現出愕然的神色。
 
張神父安撫道：「佢地都係嚟避難嘅孩子，唔係打你地嘅惡人，各位唔需要緊張。」
 
萬喜訝異道：「你地畀咩人打啊？」
 
一名男人應道：「我地唔識嗰班人架！從來都無得罪過佢地，只係行完街完食飯返嚟，佢地手臂上面紮住紅色絲帶，話我地入嚟搞搞震就打我地，完全唔聽我地解釋，係咁追住我地打，好彩張神父畀我地入嚟避難咋！」
 
宛琳珊輕聲道：「手臂上綁住紅絲帶，應該又係打我地嗰班人嚟。」
 
楊鳳瑤問道：「打我地嘅其實係咩人？」
 
呂靜宜道：「之前聽到佢地鬧我地搞亂元朗，唔通係嗰啲圍村人？」
 
萬喜點頭道：「我認得出打我地嘅人入面有唔少係圍村人。」
 
張神父道：「你地好多人都受傷，治理下先啦！」
 
Humphrey道：「神父，我之前做過first aid，你有無急救用品啊？」
 
「你係first aid，咁就好喇！你地咁多人受傷，有人識急救就好喇！啲野喺晒嗰邊。」張神父指向一張長椅道。
 
管佳莉與呂靜宜舉手，異口同聲道：「我都識急救啊！」
 
萬黛亦道：「我都學過急救，可以幫手啊！」
 
Humphrey四人替在場受傷的人進行簡單的急救與包紮，萬黛替一名小孩包紮後，倒了一杯水給對方，可是那名小孩的手抖過不停，最後連水杯也握不穩掉在地上。
 
萬黛掃視了現場一眼，眾人身上或多或少都帶著一身傷痛，她再也忍不住淚水，一邊啜泣一邊道：「點解…元朗…點解元朗會變成咁架？」
 
阿興見狀上前遞紙巾給萬黛，道：「喂啊！仲咩啫！唔好喊啦！」
 
萬黛邊拭淚邊道：「點解啲細佬仔都要打？我一出世就住依喺度，我真係好鍾意依到，人地問我係咩人，我會話自己係元朗人，但係…我依家講唔出啊！因為我一睇到依家咁嘅情形，依到已經唔安全，我…會為自己住喺依到而感到羞恥。」
 
阿興安慰道：「萬黛，我唔會因為咁而嬲妳架！」
 
榮仔亦道：「萬黛，阿興講得無錯啊！每個地方都有好人同壞人，出面啲人追住我地打，但係妳帶我地嚟依到避難，如果無妳帶路，後果真係不堪設想啊！就算我返番去台灣，都會記住元朗有妳同張神父依啲好人喺到啊！」
 
萬黛感動地擁著榮仔，道：「多謝你啊！榮仔。」
 
在旁的阿興拍了自己的頭一下，暗怪自己說話不夠玲瓏，沒榮仔那麼本事，可以說出這麼動聽的安慰說話。
 
我接受呂靜宜的包紮，向窗外看去，只見那群惡徒包圍著教會，並不願離去，不知他們會不會有進一步的行動？
 
呂靜宜亦看到那群惡徒在教會外流連，擺出一副不肯罷休的樣子，問道：「佢地點解仲唔肯走啊？我地同佢地都無十怨九仇，點解唔肯放過我地啊？」
 
飯桶武指責道：「矮仔文，都叫咗你唔好釣搞魚塘啲魚架啦！依家你話點算喇？」
 
矮仔文罵道：「食屎啦你！有口話人無口話自己，你夠摘佢地啲荔枝咯！」
 
飯桶武嘀咕道：「估唔到佢地咁撚小氣，明明我地已經畀晒錢，都追我地九條街，啲荔技同魚都食晒落肚啦！係咪要屙返出嚟畀佢地啫？」
 
我搖頭苦笑道：「唔關你地嘅事，係因為嗰個北韓女人，睇嚟我地無意中捲入咗一單跨國嘅人口販賣案件入面。」
 
布正麗走過來眺望窗外，道：「嘩！下面成百人喺到，但係…奇怪喇！點解無警察嚟睇嘅？」
 
呂靜宜亦道：「係囉！由旅遊巴畀人襲擊到依家，已經差唔多半個鐘，依段期間一個警察都撞唔到？」
 
一名年婦人聞言，抱怨道：「我地頭先就喺警署行過嚟，我地想去報警，但係警署居然落咗閘，都唔知搞乜？」
 
呂靜宜詫異道：「唔會啩？警署都會閘門？如果市民真係有緊急事求助，應該搵邊個啊？」
 
驀地，我想起了入來元朗前，房侍農將一位駐守元朗的警員電話號碼給我，於是我立即撥打那個號碼，我道：「喂！請問係咪許ＳＩＲ啊？」
 
電話彼端傳來一把男聲：「係啊！邊個啊？」
 
「之前房侍農將你個電話號碼畀咗我，同我講如果入到嚟元朗遇到啲咩麻煩野可以搵你求救。」
 
「哦！你係阿志，房ＳＩＲ有同我講過依件事，係呢？咩事啊？」
 
「我地遇到麻煩啊！頭先喺街有成百個圍頭佬追住我地打啊！依家我地喺張神父嘅教會入面，啲圍頭佬仲喺出面等緊我地啊！教會入面有人受咗傷啊！你快啲派人嚟救我地啦！」
 
「張神父嘅教會？等陣先，你話圍頭佬追住你地打，點解佢地會無端端追住你地打啊？」
 
「因為有個北韓女人喺我地到…唔好講咁多啦！總之你快啲派人嚟救我地啦！佢地隨時會衝入嚟溶咗我地架！」
 
「哦！得、得、得，你冷靜啲，我即刻派人嚟，出面好危險架！你地唔好亂走啊！個北韓女人都唔好畀佢亂走啊！」
 
許警官掛掉電話後，向身後的阮本初問道：「大ＳＩＲ，搵到個北韓女人喇！佢係喺張神棍個教會入面，我地應該點做啊？」
 
阮本初皺著眉，呼出了一個煙圈，心想：「事情好像越鬧越大，現在進退維谷，不知如何是好。」
 
片晌，阮本初才道：「通知湯伯符，我最盡畀多半個鐘佢，叫佢啲人搞掂依壇蘇州屎佢。」
 
＊＊＊
 
韓家村裡，湯伯符收到了阮本初的電話，得知北韓女人身在教會內，他神情凝重把剛才與阮本初的通話內容全都對身旁的韓軍說，道：「韓主席，個北韓女人同班打壞都喺姓張嘅教會入面，舅父話最多只係可以拖多半個鐘，我地應該點做啊？」
 
身為花生幫的大當家湯伯符並非四肢發達的草包，他知道聚眾攻擊教會的後果是很嚴重的，而且那位張神父背後亦有政治力量去撐腰，走進教會裡擄人，將會把事情鬧得無法收拾。
 
韓軍沈吟了片晌，拍了湯伯符的肩膀一下道：「伯符，大家坐埋一條船，捉唔到個記者唔緊要，但係畀個北韓女人走甩咗嘅話，我地所有人都唔掂啊！洗濕咗個頭，唔做唔得喇！」
 
湯伯符已經安排手下從水路把那些女人蛇運走，那艘船現在應該前往公海吧！只要把那名北韓女人解決的話，所有事情都會向好，今晚發生的事，只要隨便交出數個手下，阮本初便可以替他擺平這件事了。
 
湯伯符點頭道：「韓主席，你講得啱，依家已經洗濕咗個頭，無得停落嚟！」
 
正當湯伯符要致電給帶隊的史子義的時候，韓軍靈光一閃，計上心頭，立時喝止道：「等陣！」
 
＊＊＊
 
教會裡，儘管我已經把很快有警員前來拯救我們的消息告訴給眾人，可是萬喜還是堅持要製作武器，他道：「出面班人隨時會攻入嚟架！我地做定啲武器，有差人嚟救我地，我地最大嘅損失都係白廢心機；如果出面班人真係殺入嚟，我地兩手空空會好危險架。」
 
萬喜去年的暑假曾經參加過短期的軍事訓練營，所以在自衛術這方面都懂得不少，他教授其他人以報紙、膠紙製作武器，把報紙捲起對摺，再以膠紙、橡皮圈綁實固定，並加上鎖匙、鐵釘或者其他硬物增加攻擊力。
 
飯桶武與矮仔文依樣畫葫蘆，跟隨萬喜的方法製作武器，在旁的一位大叔見狀感到有些訝異，抱著好奇的心態問道：「其實你地係咩人嚟？我睇你地年紀最大都不過係二十出頭，有啲個樣仲好似初中生咁上下，你地唔驚嘅咩？你地頭先喺邊到走過嚟啊？」
 
飯桶武白了那名大叔一眼，沒好氣道：「大叔，你都幾多野問嗰喎？」
 
忙著製作武器的矮仔文亦不耐煩道：「阿叔，你唔咁好老定啊！好自己落手做武器喇！靜間班圍頭佬打到嚟，我地真係護你唔到架！」
 
萬季常道：「喂啊！你地兩個有啲禮貌啦！靠你地宣傳自強會真係死得人喇！人地都係對我地好奇啫！就講下我地嘅事蹟畀人聽囉！」
 
「哦！原來你地就係嗰個學生組織自強會啊？」
 
大叔居然得知自強會的存在，飯桶武不禁問道：「你識得我地自強會嘅咩？」
 
那名大叔點頭道：「我有個外甥係自強會嘅會員，佢好崇拜嗰個成皇志，話佢係中學生嘅傳奇，十項全能，又讀得書、又出道做歌星、又同黑社會對抗，仲要嬴埋，之前我睇因周刊，講到嗰單８座事件繪聲繪影咁，我都想見下佢真人。」
 
矮仔文道：「大叔，你有眼福喇！會長同吳林六美嘅其中五位都喺現場。」
 
「吓！真係架！」大叔聞言立時打量在場的人一眼，發現其中有五位女生，長相特別標緻，而且各具風格，道：「嗰邊嗰五個好靚嘅女仔應該就係傳說中嘅吳林五美，但係成皇志係邊個啊？喺咪嗰個？抑或係嗰個啊？」
 
大叔一時指向Humphrey，一時又指向萬喜，飯桶武不禁生氣，怒道：「大叔，你啲眼光有無咁劣啊？會長依啲男人中嘅ＸＯ，就好似漆黑嘅螢火蟲，咁鮮明咁出眾你都認唔出？去驗下眼好喎？」
 
大叔循飯桶武所指的方向瞧去，看到成皇志的盧山真面目，不禁有點失望道：「吓！我以為個咁傳奇嘅人物，而且又出道做偶像，嗰樣應該好似國榮哥同浩南哥咁上下，就咁睇上去，真係有啲落差喎！」
 
萬季常聞得大叔對成皇志的外形有意見亦開始有點生氣，道：「大叔，我唔同你一般見識，你睇唔到咋！會長頭先幾猛料啊！我地走出去大光榮酒家門口無耐就畀班圍頭佬追住打，喺會長領導有方，我地先叫齊齊整整走到依到咋！」
 
大叔聞言驚愕無比，道：「你地喺大光榮走到嚟依到？好遠下喎！」
 
三人你一言我一語把剛才驚險萬分、精彩絕倫的大逃亡過程轉述給大叔聽。
 
大叔聞言嘖嘖稱奇，那段成功的大逃亡，不光是成皇志一人之功，而是眾人齊心協力創造出來的成果。大叔再次瞧向成皇志，比剛才第一次看到更覺順眼，而且還察覺到有種奇異的個人魅力從內到外散發出來，就是這種個人風格和魅力吸引到這些學生的支持和信用嗎？
 
這刻大叔有立刻繳交會費成為自強會一員的衝動，自從投身社會後，過得營營役役，整個人已經被生活磨蝕得毫無梭角，面對那些聯群結黨拿著武器的惡徒，他一邊被打一邊向對方道歉，就算那些人在他臉上吐口水，他也只懂雙手抱頭、龜縮在地，希望對方放過自己，後來那群人追趕著兩名少女走進暗巷，他不敢想像兩名少女的遭遇，本能地拔足向相反方向逃去。
 
自強會眾人的義勇，讓大叔怨恨自己的窩囊怯懦，他決心要與這些勇敢的年青人同行，心意已決，他捲著報紙製造自衛武器。
 
與許ＳＩＲ通話後，時間已經過了十分鐘，我們瞧向窗外仍然沒有一位警察前來，那群惡徒依然在教會遊蕩，看見我們在窗前，便以粗言穢語指罵我們，道：「屌你老母，你班仆街好躝出嚟，我打扁你老母臭閪啊！」
 
我看到身旁的呂靜宜眺望窗外，緊張得雙手緊攥著牧童笛，我安撫道：「唔駛太擔心，有警察嚟緊，班人唔敢攻入嚟架，我地會無事架！係呢！妳頭先支牧童笛用得幾好喎！估唔到牧童笛除咗可以當樂器，仲可以當武器喎？」
 
呂靜宜苦笑道：「你估我想架？我都想輕輕鬆鬆吹下牧童笛。唉！點解同你一齊總係會發生啲咁嘅事？」
 
「就係我地之前經歷過咁多驚險都無穿無爛，今次我地亦都可以逢凶化吉。」
 
倏地Humphrey道：「我地要計劃定Plan B，萬一嗰班人真係衝入嚟，我地應該點做呢？」
 
陳依官問道：「萬喜，除咗依到仲有無其他安全地方啊？」
 
萬喜搖頭道：「全元朗最安全又可以容納到咁多人嘅地方只有依到。」
 
Humphrey道：「如果我地有人識揸旅遊巴，就可以返去揸架旅遊巴嚟接人走，班人嚟晒追我地，停車場嗰邊應該無人，部旅遊巴迫迫地都可以載晒依到啲人。」
 
陳依官道：「但係頭先班人咁樣打部車法，部車仲開到咩？」
 
Humphrey道：「佢地只係打架車外面，無破壞到架車嘅引擎，應該仲可以開到車啩，當然要試過先知啦！」
 
游大輝道：「但係個司機走嗰陣，佢有無帶走車匙啊？仲有我地有無人識揸旅遊巴啊？」
 
榮仔從褲袋掏出一物，道：「車匙喺我到，頭先旅遊巴司機跳車走佬嗰陣，跌咗車匙喺地下，我順手執咗。」
 
萬喜道：「咁就好喇！雖然我未揸過旅遊巴，但係我都開過其他車，就等我去揸部旅遊巴過嚟，教會有條後樓梯通向後門，嗰班人應該唔知道教會有後門，我可以偷偷走後門出去。」
 
此時，那名大叔插言道：「等等，你地喺咪搵識揸旅遊巴嘅人啊？我正職就係一名旅遊巴司機。」
 
萬喜喜道：「太好喇！咩野都齊晒，只要我地返去揸架旅遊巴返嚟，就可以離開依到。依頭我熟路，你跟我走後門，我地去開架旅遊巴過嚟。」
 
萬喜正要行動之際，一直在窗邊觀察街外狀況的我喊道：「萬喜，等陣啊！出面班人要走喇！」
 
萬喜等人立時走到窗邊，原本包圍著教會的百多名惡徒正如潮水般退去。
 
此時，我的電話響起，我按下通話掣，電話彼端傳來許ＳＩＲ的聲音，道：「喂，阿志，我到咗附近喇！你帶個北韓女人出嚟教會啦！」
 
許ＳＩＲ的說話讓我感到愕然，我道：「吓！許ＳＩＲ，你講咩話？要我帶個北韓女人出嚟？但係出面成條街都係揸住武器嘅圍頭佬喎！」
 
其他人聽到我的說話，大都感到詫異，陳依官道：「依家條街仲好多圍頭佬，啲差佬嚟咗幾多人啊？佢有能力保護到我地咩？」
 
Humphrey亦道：「不如叫佢地搵架旅遊巴一次過送我地走仲好啦！」
 
布正麗插言道：「成皇志，等陣先啊！個北韓女人喺脫北者，應該將佢交畀大使館好啲。」
 
眾人一你一言我一語都反對許ＳＩＲ的做法，電話彼端的許ＳＩＲ逕自道：「阿志，放心啦！我嚟到附近，嗰班圍頭佬已經開始散緊，你地同個北韓女人出嚟，我會保護到你地嘅安全架。」
 
在兩方的不同意見下，最後我還是覺得Humphrey的說法較為穩妥，我道：「許ＳＩＲ，我地依到有好多人受傷，麻煩你搵兩架旅遊巴送我地去醫院先。」
 
「你放心啦！我有其他夥計會安排。」
 
「許ＳＩＲ，依到好多人頭先都畀班圍頭佬打到怕，一係你同啲夥計嚟教會門口保護我地啦！」
 
「唔駛咁麻煩喇！你就照我說話做，同個北韓女人出嚟，我喺教會前面兩條街等你。」
 
許ＳＩＲ的不耐煩和他的說話，讓我覺得不合理，要我們離開教會，步行兩條街的距離，雖然那些圍村人現在漸漸退去，可是隨時會在半路與他們遇上。
 
我質疑道：「許ＳＩＲ，你嘅提議保障唔到我地嘅安全，我地隨時會半路遇襲。」
 
「阿ＳＩＲ做野唔駛你教，總知我叫你咁樣做，你就咁樣做啦！」
 
許ＳＩＲ的說話簡直就是不可理喻，明明他的方法就是極不穩妥，要我把眾人的安全都交託在這樣的一個人身上，別開玩笑了。我們留在此處總比去找對方更為安全。
 
正當我要拒絕許ＳＩＲ的提議時，突然窗外傳來了兩下刺耳的鳴響。
 
在場的所有人都獃住了，宛琳珊問道：「咩聲嚟架？」
 
楊鳳瑤問道：「係咪炮仗啊？」
 
萬喜搖頭道：「唔係，我聽得出係鎗聲嚟架！出面有人開鎗。」
 
萬喜的話激起了在場所有人的聳動，我問道：「許ＳＩＲ，你地頭先開鎗嚟啊？」
 
「開鎗？我無開到鎗喎！你地嗰到有人開鎗咩？」



=15.6px以下是小弟的FACEBOOK專頁,內有更多精彩內容,如各位對小弟的作品感興,不妨到此留下讚好,給予鼓勵,你們每一個支持,均是給我做得更好的動力,謝謝
https://www.facebook.com/vc907907?ref=hl