致我們逝去的愛情: 地厚天高，如寂寞難免

「嘟嘟‥‥喂？曾？收工未呀，今日郭同狗俊唔洗返工呀，出去牛加 L？」

「E...夏？肯上水喇？今日收早唔洗加班，快D出黎啦，地鐵站等，98」

  無錯，曾就係我，我叫曾雙，23歲，中學時期拍過兩次拖，第一屆DSE考生，衰數學之後讀偽進，科目：紀律部隊
 
  男人老狗讀唔成書，最多男仔揀既就緊係呢科啦，貪咩呀？人工高福利好囉，最好就消防tim，
 
  返一放二，一個月返得果十幾日就有雞八，諗起都即刻覺得生活愉快，有人覺得我目光咁短小既？





  我認呀，我份人係簡單D，幾易滿足，兒家係一間公司〈行頭窄，唔講算〉做緊主管仔，叫做有十幾個下屬囉〈知道左我工作之後，就會知我既所謂下屬都係得啖笑〉

  打比我既人係夏，中一識既兄弟，亦係最明白我既一個，交都打過唔係兄弟真係唔知係咩。

  電話入面提及既郭亦都係中一識既兄弟，水魔一名，講十句，十句都可以係假，好聽D可以話係幽默。

  狗俊都係中一識既同學，獨撚，出到黎做野之後亦成為左我地既兄弟。
 
  牛係咩意思？姐係食牛，我地四個都好鐘意食，其實主要都係聚下，L 就緊係 LOL 啦，食完牛既必備節目





「曾‥快D三技再一技吊起佢啦」「曾‥開大技圍住佢啦，佢走唔甩」「嘩，曾‥你再慢D呀師兄」「曾，隻嘉文真係比你用到廢哂」

「夏，最近忙咩呀？少左出黎喎，溝到女喇？」「係呀，係公司溝左條女，haha，係喎，你都寡左好耐，識到女未呀？你從中五單身到兒家啦喎，唔寂寞咩？」
  
「識女？你又唔係唔知我返咩工，呀姨呀嬸就大把，你估我唔想識咩」

「拿，試下玩呢個app識女仔啦，兒家呢大把人玩交友app，唔洗怕醜喎」跟住就拎左個app比我睇

「又係呢D app，你知我唔玩架，唔信要靠交友app先識到女仔囉，叫你條女介紹D fd黎識咪得囉」
 




  當時既我下意識緊係心諗‥唔係掛，我都要玩呢D app 識女仔，應該唔會既，冇女又唔會死既，再諗返夏講既野，寂寞？又真係好似寂寞左好耐‥