《將軍澳迴旋處上的時空裂縫》: 第三章第三回：尋人計劃

第三章第三回：
尋人計劃
 
 
蝴蝶戒指！？
 
唔係咁邪呀？
 
唔會就係…… 劉霞未婚夫嘅戒指下化？
 





 
但我驟眼看，真係同劉霞嗰隻戒指一模一樣架喎。
 
咁咪即係，劉霞未婚夫就在現代，就在附近！！！
 
 
 
我立即飛奔到林少的家。
 




「叮噹！叮噹！叮噹！叮噹！叮噹！叮噹！叮噹！」
 


「黎緊啦！駛唔駛咁急呀！！！哎吔！」林少好明顯未瞓醒。
 
「咩事咁急呀！」林少打開門，一臉不悅，應該是被我吵醒了。
 
「劉霞呢？」
 




林少無精神地指一指其中一間房，然後打了一個呵欠，倒頭就攤在梳化上睡了。
 

我走到房間門前輕力敲門。
劉霞很快便開了門。她應該洗完澡，換了林少家姐的衣服。
 


 
「劉小姐！你而家係咪仲戴住你隻訂婚戒指呀？」我緊張地問她。
 
劉霞看一看自己左手，然後伸過來我面前。
「係呀，戴緊呀。佢係我同我老公而家唯一的聯繫，咁重要嘅嘢，當然時刻跟身啦。」
 
 




「咁依隻戒指…… 會唔會係你未婚夫嘅呢？」
我從褲袋中取出剛剛找到的蝴蝶戒指。
 
劉霞見到戒指，十分激動，一手搶了戒指，仔細檢查。

「一模一樣架！！真係我老公隻戒指呀！！
你睇下，裡面刻住『LXB』，即係我老公英文名簡寫呀。你係邊度揾到架？」
 
 
於是，我把剛剛發現蝴蝶戒指的經過說了一次。

 
 
「咁即係，我老公就係現代，就係依度附近！」
 




「仲可能幫襯過我間單車舖，唔係點會留低隻戒指喺架單車度？」
林少雖然處於半睡半醒之間，但原來頭腦都頗為清晰。
 
 
「我老公未死呀！佢真係未死呀！太好啦！」
劉霞喜極而泣，雙手在胸口前緊緊握著蝴蝶戒指，激動得哭了出來。
 

看著劉霞開心的表情，
心中當然替她高興。
 
但其實暗地裡，我開始有點不詳的感覺。
 
試問如果劉霞未婚夫還在生，
他又怎會把這麼重要的訂婚戒指，掉失了在單車上？




而我的單車，上一次給別人租去，已是大概三個月前，即是我發現時間停頓之前。

三個月，
遺失了訂婚戒指足足三個月，
劉霞未婚夫為何沒有來單車舖找尋戒指？
 
雖然現在有很多疑點，
還能未百分百肯定劉霞未婚夫還在生，
但我又怎能在這個時刻，淋熄劉霞的希望呢？
 

 
「嗱，我哋單車舖每次租單車出去前，
都會登記顧客嘅姓名、身份證號碼同電話號碼，預防有人租咗單車唔還嘛。
賢仔架單車都唔係成日租出去姐，




只要揾返邊日租過，再查返嗰幾日邊個租過單車，
打電話問佢哋有無唔見戒指，咁咪得囉。
我返去問下阿爸阿媽有無印象，
佢哋記性好好架，五年前邊個黎租過車佢哋都記得呀。」林少自豪地說。


 
「咁我哋而家行啦，去你間單車舖翻查租車紀錄！」我對林少說。

 
(待續)