《將軍澳迴旋處上的時空裂縫》: 序

序

「2013年12月30日，位於將軍澳嘅香港單車館舉行竣工儀式。依個耗資11.3億元興建的國際標準室內單車場，有望為香港培訓更多出色嘅單車運動精英……」

聽到這則新聞報導，
我心裡寒了一寒。
竟然咁快就開幕？
我...仲未準備好喎......

無辦法啦，




唯有死死地氣，正正經經坐在電腦鍵盤前，
打下這個故事最重要的message，亦即是現在我最擔心的事：

千祈唔好在剛剛落成既香港單車館入面，逆線踩單車呀！！！！！

如果唔係，後果可能會好大鑊架！ 

我話大獲，當然唔單只係撞親人炒車咁簡單啦，
係大鑊 N 倍，甚至關乎香港嘅未來，世界嘅和平，宇宙嘅平衡！ 





所以我重覆： 

千祈唔好在香港單車館入面，逆線踩單車呀！！！！！  


原因係咩？
唔駛心急，我會慢慢將成個故事，詳細講你知。 
但你應唔應承我先？
真係唔好在香港單車館入面，逆線踩單車喎。





你唔應承，我唔講故事你聽架。  

Promise？

Good！
既然你應承咗，咁我就同大家，娓娓道來吧。