如果比多次機會我 我一定唔會攞小丑黎開玩笑: <四>

就係咁，兩日後嘅晚上我哋各自搵齊好架餐就反到嚟屋企開大會。除咗我哋三個之外，阿庭個女朋友都加入埋我哋。當然係呀庭爆響口俾佢女朋友聽啦，佢兩個咁好感情真係無嘢可以瞞騙到對方。佢女朋友既然都出到聲話可以係攝影方面幫我哋，咁多過人幫手，做係事上嚟都好啲嘅，所以我哋緊係唔反對海麗嘅加入。

肥仔今次班咗好多嘢返嚟。佢係佢呀嫲間假髮舖到撻咗三個攣毛大假髮返嚟，直程係小丑個啲髮形一樣，真係估唔到佢呀嫲間鋪連咁嘅假髮型都有得賣，仲要係唔同顏色個下先把炮。肥仔同時又拎出係玩具街買嘅果三套小丑衫。肥仔拎晒啲嘢出嚟之後，我同佢打個眼色就二話不說即刻試哂成套嘢，笠埋個假髮，大功告成！

" 未得住！仲差噉啲最重要嘅嘢！" 海麗皺一皺眉頭咁講佢
然後佢就要我同肥仔坐咗係張梳化度，佢就係佢個手袋度拎咗個化妝袋出嚟。

經過海麗二十分鐘悉心以又高超嘅化妝術後，我同肥仔即刻狗衝去廁所照一照鏡睇下個成果。果然真係幾嚇得人下，唔係講笑！唔知大家有冇睇過當年香港有套幾出名嘅鬼片叫做" 咒樂園 "（如果自問鐘意睇鬼片嘅你，我高度推介大家睇，以當年香港電影嘅發展，依套戲真係代表作!)，依家我哋就excat7ly同套戲入邊啲小丑啲樣一鳩樣！就算係自己望住自己都覺得有啲毛管動。話晒此終都係對小丑有啲畏懼，都唔明啲遊樂園咁鐘意搵啲小丑係到扭波波，整啲小魔術畀啲小朋友睇！知唔知係會有童年陰影架！

" 嘩，吊！掂呀！真係成個嗰啲變態小丑咁。今次仲唔嚇到啲人鼻哥窿都無肉！不如依家就落樓下嚇下啲人試一試先啦" 肥仔好開心咁講




" 米玩住先啦！好喇，裝束我哋就整好喇，攝影器材我哋有準備好。晴哥下一步我哋應該點做呢？" 阿庭問

" 地方呢我就諗好架喇！就一定唔會係銅鑼灣依啲地方架啦，因為廿四小時都咁Q多人，咁樣我哋會好難落手。所以呢我就決定揀長洲依個地方！你諗下長洲街燈又少，夜媽媽你都唔夠膽自己一個行長洲啲小巷啦！過度仲唔係我哋落手嘅好地方！同埋係人都知長洲本生出哂名猛鬼家啦，成件事一定會進行得好順利呀！你哋覺得點丫？ "
佢哋三個聽完我廢噏之後都異口同聲話睇我頭，比個決定權我！所以我就決定等嚟緊依個星期六親呀庭唔使反工，我哋晏就就坐船入長洲，然後係東提租間渡假屋嚟做我哋大本營。
" 好散會！"
我講完依句之後我哋就各自各返房，而我呢就走咗去沖涼洗返塊面同思考下人生。你知啦，沖涼嘅時候真係特別多嘢諗啲！我其實一直係到諗，真係怕會有好多因素會出現。我緊係唔係講會撞鬼啦！你都痴線嘅，依家21世紀呀科技發達嫁嘛！邊樹會有鬼。我所講嘅係人為因素，你諗下如果嚇人不成，人哋搵架餐吹雞揼返我哋轉頭米含得撚橡皮糖！諗諗下沖完涼都係打比我一個住係長洲嘅舊同學，搵佢有個照應都好，而佢有個花名叫長洲基奧特。（基奧特係英超阿仙奴守龍個嗰）