Welcome To Knot ~ Season1: #52. 靖

「嘩~」Taz係我將一支尚算凍嘅啤酒掂佢面時，大叫咗出嚟。
好彩係泳池入面都有唔少人係到嬉笑，唔係一定全世界望住佢。
 
「搞咩呀你！」Taz一手將支啤酒推開。
「冇~見你一個人係到𥄫女，咪陪下你囉！」我呷一呷手中另一支啤酒，再將本來給她嗰支再遞俾佢。
Taz接過啤酒，飲咗啖：「關你咩事。」
 
我並無再講任何嘢，只係一直咁陪住佢。
「其實呢，」我偷偷瞄向佢，注視住佢嘅側面「呢到基佬多，啲女都係入面游，唔出嚟架。」
「…」Taz飲埋最後一啖啤酒「我知呀，我係到等啲唔識死嘅妹妹仔出嚟咋嘛！」


 
我白咗Taz一眼。
「我同Peizi傾緊有冇合作空間。」我淡淡咁講。哈~似唔似同另一半交代咁？！
「咁又點？關我咩事？一或你哋嘅合作，想預埋我老豆間酒家？3P呢家嘢，我老豆未必受得起喎！」唔知點解，隱約覺得佢說話間有啲酸味。
 
我咀角微微向上一揚：「你知男人唔啱我，」我輕輕轉身，直望住Taz，再哄埋佢耳邊「B都係。」
係咪錯覺？Taz面紅？
「我…咁…咁又點？」對我突然嘅舉動，佢顯得有少少手足無措。
 
見到佢咁嘅反應，令我有好想繼續蝦佢嘅衝動。


係咪好搞笑呢？
我認我平時俾人感覺係成熟穩重，但其實…
可能受我ex Tracy嘅影響，我發現我有暗黑嘅一面，尤其對住自己鍾意嘅人。
而Taz 呢？
平時就剛剛烈烈，但我真係好想知佢有冇柔弱嘅一面…或者更多面。
 
「好肚餓…」我企返直個人，再一手捉住佢左手，拖住向前行「陪我食翠華！」
我睇唔到佢咩反應，但拖住佢嘅手，感覺到佢肯拖返我。