Welcome To Knot ~ Season1: #46. 樂少

Hey ladies！ 
我知，我係多口。
咁人哋作為一個sales，口才好係好合理架喎！
 
咁個日有對人姐上到嚟，見大家都係「自己人」，遲啲又係街坊囉，咪傾多兩咀囉。
咁人哋問到邊到有好餐廳book嚟搞party，我呢啲兩脇插刀嘅，梗係第一時間介紹Knot架啦。
為咗提高吸引力，我重繪型繪聲咁將Sky 同啫喱嘅故事講出嚟分享下。
咪講笑，對璧人不知聽得幾入神，個G重話一定要見下Sky同啫喱添！
 
哈哈…最後我當然都順利地簽到張單啦。


個B都幾易氹，讚多個兩讚，尤其讚佢條女，就咩鬼都都肯買。
多啲呢啲客就好囉。
 
成個下晝都冇咩人，鬼咩！星期三，亞水會嚟買水上用品嘢咩？
決定早少少過Knot食Tea。
 
行下行下…
OMG！！
前面…前面嗰個咪係…
佢入咗Knot呀！


我重唔嗱嗱林九秒九衝入去咩！
佢坐咗係三號枱，而我當然就係坐返四號枱嘅皇座啦。
 
佢…頭髮雖然短短，但係輪廓好女性化。
上星期佢嚟過我舖頭，我當然唔會咁輕易放過任何一個客人。
言談間，我知佢叫做亞青！
但係同佢傾完一輪，我先發現…
我墮入情網~
 
今日可以再見到佢，我又點會咁輕易放過！