《我在中學遇到的一位戇鳩鄰座》: Day7

失憶日

「喂，今日幾號啊？」啊千一邊寫英文簿頭一邊問。
「喂，今日幾號啊？」啊千一邊寫中文簿頭一邊問。
「喂，今日幾號啊？」啊千一邊寫數学簿頭一邊問。
基本上每份功課都要問一次。
一係問日期，

一係就問下堂咩堂。
「下堂咩堂？」




「英文啊。」
「下堂咩堂？」
「中文！」
「下堂咩堂？」
「數學啊吼！！」
救命，啊千今日好似啊婷咁，狂失憶。
仲要勁煩。
「幾時落堂？」
「仲有五分鐘。」
「落堂未啊？」




「等多陣啦，差兩分鐘咋。」
「幾時落堂？」
「屌？啱先先開始上堂。」
「幾時落堂？」
「...」

可唔可以收皮
可唔可以收皮
可唔可以收皮？？？？？
不如試下問第個？












其實我想放暑假，
但係依加只係一個惡夢嘅開始..
當我覺得已經開左學半年，
但係其實佢只係開左兩個月。
SOSAD

「到底我幾時發燒？」我好認真咁問啊千。




「點解咁問？」
「冇，我覺得開左學咁耐，係時候發燒休息一日。」