《我在中學遇到的一位戇鳩鄰座》: Day5

你有冇聽過求雨舞

「吼!!又係體育堂。」我向天抱怨。
「喂，啊千啊千。」我推左啊千一下。
「你有冇聽過求雨舞？shalala」我一邊跳住草裙舞嘅正面版一邊同啊千講。
「我讀幼稚園果陣學架。」呢一句當然係fake架啦，邊有幼稚園會教呢啲野。
「係咪真架？」啊千半信半疑咁望住我。
「認真，呃你做乜。」我用「誠懇」嘅眼睛望住佢。

兩個人深情咁對望左好耐，




彼此之間打左個眼色。
「shalala,shalala」結果求雨舞由一個人變成兩個人。
兩個人變成三個人...
三個人變成四個人...
最後我地組七個人一齊跳。

過左一陣個天竟然黑左..
隔左一陣仲落大雨添。
估唔到「求雨舞」真係有用..
可恨嘅PE體開始左半堂就結束左，




可喜可賀，可喜可賀。



當然我後尾有將「求雨舞」嘅真相同返啊千講，
冇理由呃佢架嘛。
佢後尾仲好感動咁流左一滴眼淚