《我在中學遇到的一位戇鳩鄰座》: Day3

今日又係平淡既一日，
不過今日有兩堂通識堂，
啫係咩呀？
啫係有得瞓呀！

「嗱，我地一人一堂抄筆記好冇？」睇黎啊紙都想瞓喎，
如果唔係，
佢根本唔會提出呢個絕世好計。

於是我就揀左瞓第二堂，




佢就瞓第一堂。

好彩第一堂唔多野抄啫，
夾埋抄左12個字。
「喂，醒啦。」第二堂既鐘聲響起，
代表到我瞓。
「吓？乜咁快架？」啊紙似夢非夢咁講。
我將啲野俾曬佢之後，
就安靜咁沉睡。





好快落堂既鐘聲響起，
瞓飽就係時候食飯啦。
我醒既時候「我屌，你抄12個字，我抄12段都有既？」啊紙一邊抄一邊講。
12段？
「嗄？」我奇怪咁望住佢，
「好想撕爛你本野。」佢好凶狠咁講。
「咦～唔好嬲啦衰鬼。」我用一把好黑人憎既聲講。
「走啦戇鳩！！！」佢縮開我就痴返埋去，
「唔制～」仲要響到來回磨擦。
「自己抄！」佢狠狠地睥住我。




「魚～」我再一次左搖右搖個人。

佢就響呢個時候，
一野扔走左我本簿。
係。
扔呀。

「...」
「...」
我同佢無言咁對視左。
之後又喪笑。

其實真係唔知有咩好笑架，
只係因為有對方響到，
就算幾無聊，




都會變得好好笑。

呢個就係中學生既威力。