《我在中學遇到的一位戇鳩鄰座》: 序章yo

九月一日
今日係我中五生涯既第一日，差啲就遲到，正常呀，第一日。
上到班房，其實啲位都冇乜架啦，響呢個時候，有四隻手揮黎揮去。
係啊紙。
仲有啊文。
「喂！留左位俾你呀！」佢地舉起雙手瘋狂郁黎郁去。
嗯...係有啲柒既。
我無奈咁行過去「一齊又有咩用，一陣都調位架啦。」放低左書包，坐響啊紙既隔離。
「未必架！一陣先算啦。」佢伏響擺下手。
「今年繼續係miss cheng喎。」啊文另轉個頭講，而我班主任都入左黎。




打完招呼，佢順勢就開始提啲事項。
本來諗住側側膊，佢唔會理啲位，
點知
「咁今年啲位點？」殺出一個好唔識做既同學，如果眼神殺得死人，佢死左十世。
「自己揀啦。」miss好認真咁講，似乎黎真喎。
「真？」全班開始起哄啦，諗起同自己朋友一齊上堂，緊係興奮啦。
「真。」佢再一次認真回答。
就係咁。
我同啊紙走左去最後一行近窗坐，
展開了戇鳩鄰座既旅程。