[校園鬼故事系列 2] [又係你呀陳生] 十不思議事件: 彩蛋五：子鋒和同學之日常 （最後一隻彩蛋，多謝支持）
「YEAH！！！終於可以黎玩啦，恭喜全部人都升上中六！！！」阿奶興奮的說。
「阿奶你冷靜D，好多人望住我地架！」阿平用手掩著阿奶的嘴。
「算啦，你唔好理阿奶啦！佢控制唔到自己好正常！」我笑說。
「喂，咁我地去邊度玩先呀？」阿諾問。
「首先……梗係去搵Locker啦！整濕晒D野就大鑊啦！」雷少說。
「好！出發搵Locker！」冰冰說。
沒有錯，我們一行六人，襯著會考完結後的暑假，一起來到海洋公園的「夏水禮」玩耍！
因為我們六人，雷少和阿諾將會原校升讀，我、阿奶和阿平則會離開學校，到別處升學！
不知道是誰提議的，我們決定一起享受高考前最後的假期！
而當中，除了希望仍能保持友誼外，這次的活動還有另一目的。
「喂！阿諾，點呀，諗好幾時講未呀？」雷少說。
「吓？咩呀，你講咩呀？」阿諾支吾以對的。
「嗱，唔好扮野啦！我地都知你鍾意阿平架啦！今次呢壇野，都係為左你先搞架喎！我特登黎睇Show架，你唔做野嘅話唔該你退返海洋公園D錢俾我！」我向阿諾伸出右手，作勢要他退錢！
「痴線！退你個死人頭！唉，其實我未諗到點講呀！」阿諾說。
「搞錯呀你，牛高馬大唔係咁細膽呀！」我說。
「子鋒，咁你又點呀？唔好扮晒野喎！」雷少說。
「我咩呀我？又關我事？」我側著頭，避開雷少的目光。
「唔好扮野，你考廿分都特登揀同阿奶一齊升中六，仲唔係有野？」阿諾乘勢轉移話題！
「咩者！唔係特登同佢一齊升，係莊啟程唔收我，搞到我揀其它Ja！」我辯解。
「唉！你兩個，好心你地啦，鍾意人就講啦！最多我叫冰冰幫手啦！」雷少說。
「你咪呀！」我和阿諾齊聲說。
「唉，唔理你地啦！快D出去啦，如果唔係佢地以為我地三個搞基架啦！」雷少說。
來到集合處，只見她們都換好便服，拿著毛巾等待著我們。
「咁慢架你地！等左你地好耐啦！」冰冰說。
「咪係囉，我連泳衣都換埋，都仲快過你地！」阿奶說，阿平又尷尬得掩著阿奶的嘴。
「泳……泳衣？」我幻想著阿奶穿泳衣的樣子！
「子鋒你搞咩呀，傻下傻下咁，行啦，佢地去左玩啦！」阿諾說。
「喂！我地玩咩先呀？」阿平說。
「一係唔玩，一玩就玩D勁野啦！呢個啦，泡泡舞會！勁多泡泡，超正！」阿奶說。
「阿奶你冷靜D好喎！呢個咁鬼多泡泡，玩完D衫肯定痴實晒！」冰冰提醒。
「唔理啦，依家少人呀！玩左先啦！」阿奶說。
「係啦，襯依家少人呀！你地唔係咁掃興唔玩呀？」我附和。
「行啦，阿平、冰冰！」只見阿奶挽著兩人的手臂，一股作氣的衝了去泡泡舞會。
然後，就這樣，我們一行六人，總共在這裏玩了三次才離開！
「呀！好正好過癮呀！」阿奶大叫。
我們都被那些泡泡弄得混身不舒服，只有阿奶一個人仍然精神爽利的！
「你地做咩呀？咁快就攰成咁，我地仲要去玩其他野架！」阿奶又拉著眾人到處遊玩，她用那無窮的精力，把所有夏水禮的設施都遊玩了一次！
「阿奶！我唔得啦！我……我要去睇海豚表演啦！我地轉頭係入口集合啦！」阿平虛弱的說。
「吓？你唔玩啦？咁其它人呢？」阿奶說。
「我……我都想睇海豚，我陪阿平啦，雷少你地點呀？」阿諾說。
冰冰輕輕拍了拍雷少，對他暗示些甚麼似的。
「反正得返好少時間，我同冰冰兩個人拍拖啦，你地唔好跟黎啦！陣間夠鐘就返去入口等啦！」雷少說，冰冰點頭表示贊同。
「搞錯呀，黎海洋公園都唔玩機動遊戲！咁子鋒你呢？」阿奶說。
「我……我玩！難得黎一次呀嘛！緊係玩機動遊戲啦！無理由睇表演者！」我雖然不太喜歡機動遊戲，但……也只好附和了！
「YEAH！咁我地分開玩啦，子鋒行啦！去玩越礦飛車啦！」阿奶一下子把我拉走了。
「咁……咁我同阿平去睇表演啦！你駛唔駛飲水呀？」阿諾向雷少表示感謝後，便邊照顧阿平便去海洋劇場了。
「小雷，你估佢地會點呢？」冰冰奸笑著。
「阿諾應該無問題嘅，你都話阿平佢同男朋友散左，應該OK嘅！子鋒果邊就難講啦，陣間應該知結果啦！好啦，到我地去玩啦！」雷少說，也拉著冰冰走了。
「YEAH！過山車好好玩呀！跟住我地去玩咩好呀？」阿奶當坐完越礦飛車，便拉著我去了別的機動遊戲遊玩！
「等等！等等！我地停一停，諗一諗先！」我實在不能接受十連驚嚇，希望稍為休息一會。
「吓？唔好啦，仲有十幾分鐘Ja！唔玩就蝕架啦！」阿奶說。
「我知，但我地仲有下一之架嘛，唔駛去咁盡嘅！」我笑說。
「下一次？真係會有下一次咩？個個都話下一次，你知唔知無左就係無左架啦！仲下乜鬼野一次呀！」阿奶突然變得激動，雙眼都紅了起來，我……是踏中地雷了嗎？
「你……你無野呀嘛？我……我有紙巾，你等一等先！」我有點不知所措，但還是把紙巾送到她眼前。
「唔駛呀！唔駛你地D男人扮好心呀！一個二個都係咁，叫你做少少野都下一次，下一次！下一次之後又話下一次！」平日大情大性的阿奶，想不到會轉變得如此之快。
「你……你無事嘛？唔好喊啦！」此刻我們正站在大路的正中間，旁人看著我們都在竊竊私語，好不尷尬！
「無咩鬼事呀！無事就唔會喊啦！你係咪傻架！」阿奶的情緒看來一發不可收拾，我看了看四周，當好發現摩天輪快要開始了，我也不多想，一下子拉著阿奶去了摩天輪。
「做咩呀你！放手呀！」阿奶被我拉了上摩天輪，似乎感到相當不滿，把我的手甩開了後，繼續在哭喊著。
我和她呆坐在摩天輪內一分鐘了，氣氛非常尷尬！
「夕陽呀！原來夕陽真係好靚！」阿奶看著窗外，夕陽的光芒照射進車廂中，除了映照出她通紅的雙眼，還能感到她的眼神帶點鬱悶。
「係呀！夕陽好靚架，不過如果開開心心睇嘅話，會仲靚！」我看著她說，此刻，我的眼中，再耀眼的太陽，也不及你帶著悲傷的臉容。
「對……對唔住！」她呆看了我一會後，突然看著我這樣說！這是甚麼情況？我可還沒有告白啊，不用這麼快拒絕吧！
「吓？」我來不及理解她的意思，驚訝的聲音不自覺的由我口中吐了出來！
「我係話，對唔住！無啦啦喊，又對你發脾氣！」阿奶說。
「哦！咁Ja，無野喎！」我說，幸好不是拒絕我。
「你……唔想知我做咩無啦啦喊咩？」阿奶說。
「女仔喊嘅，黎黎去去都係果D事架啦！如果你唔想講，問你咪盞搞到你尷尬！」其實我根本不知道何為「果D事」，我實在不知道如何問起，只好這樣回答！
「估唔到你平時傻下傻下，原來咁了解女仔架？」阿奶驚道，然後又是一陣的沉默。
「不過呢……唔開心嘅野收埋係心入面，對自己都唔好架！如果你想搵個人講嘅，呢度又得我同你，你當我係個樹窿得架啦！對住我大叫，我保證唔會同人講！呀，樹窿係唔識講野嘅！」我說。
「嘻！子鋒你真係一個好人！其實呢，我本身有一個男朋友，我同佢拍左兩年拖架啦！不過佢升左中六，我重讀中五，所以分開左學校！原本我諗住無咩所謂架，點知自從唔同學校之後，佢就愈黎愈少搵我！有時就算我主動搵佢，或者想佢陪我，佢成日都話下一次，下一次，下一次！就連我之前生日，佢同我食完飯之後，我想佢陪下我，佢都係話下一次！我就同佢嘈左鋪勁嘅，點知我舊校嘅朋友同我講，佢同第二個Flirt緊，好似仲成日出雙入對！我放榜完之後同佢攤牌，點知佢喊晒同我講佢知錯，話想同我一齊！我真係唔知點算好，始終我同佢一段時間，係有D唔捨得，但又唔知佢會唔會又再背叛我！佢之前有叫我返佢間中學升中六，但我拒絕左，因為我仲係未諗到點面對佢，亦都唔想去揀！所以你頭先一講下一次，我又諗起佢之前點對我，所以先會喊左出黎！」阿奶說，此刻帶點憂傷的她，顯得格外迷人！
「其實……我估你心入面已經有答案！只係你太善良，未可以狠心決定者！但係，如果一直唔決定，係會令你唔開心嘅，不如快刀斬亂麻，痛一下都好過長期病患咁痛呀！而且，最重要，係面對自己嘅真心，將自己心底嘅說話講出黎，如果唔係只會令自己後悔！」我說，同時也為自己打氣，要把心底話說出來啊！
「心底話……講出黎！我諗……我明嘅！多謝晒呀子鋒！你真係一個好朋友！」阿奶笑說！
「好朋友！好朋友！好朋友！」我在心裏不斷想著，該不會是傳說中的「好人卡」吧！
「子鋒！子鋒！你做咩呆左咁嘅？摩天輪停左啦，我地要走啦！」阿奶在我面前揮了揮手！
「真係好玩！下次我地再一齊黎玩啦！走啦，去搵佢地啦！」阿奶說。
「等……等陣！」我說，我知道若我現在不說，下次更不會說的！
「做咩呀？」阿奶問。
「頭先，我……我咪話要將心底話講出黎嘅！我……我都有D野想同你講！我……我……我鍾意你！」我鼓起勇氣的說。
阿奶呆呆的看著我，大慨是想不到我會跟她這樣說吧！
「我……我只係想講俾你知，我對你嘅感覺係點！如果……你真係應承嘅話，你陪我坐多次摩天輪啦！」我說，整個緊張得在發抖！
只見阿奶猶豫了一會，便慢慢走向我，我感到滿臉通紅，耳朵在發熱！
我本以為她是來拒絕我，或是把我拉上摩天輪，但……
「子鋒！你……真係考慮清楚？我性格好衰架喎，大癲大肺，又唔識氹人！我唔會係一個好嘅女朋友黎！」阿奶認真的看著我，我點了點頭示意。
「咁……好啦！我地返去集合啦！」阿奶思考了一會後，便轉頭回去入口處。
「咁……咁者係點呀？」我趕緊追了上去，並拉著她問。
「我都唔知呀！頭先我咪講左俾你知，我同我男朋友未搞清段關係嘅！我唔想依家就決定，搞到D關係亂七八糟咁！所以……我搞清楚段關係之後，又諗清楚嘅話，我……或者有機會再同你坐呢個摩天輪嘅！」阿奶說。
「吓……咁……咁好啦！」雖然不是最好的答案，但……總比拒絕或給我好人上好吧！
「唔好咁嘅樣啦，今日黎玩架嘛！開開心心，我地返去搵佢地，之後再去食野Lu！」阿奶拉著我的手朝入口跑去，好吧，反正以後也能每天見面，應該沒有問題的！
這次的海洋公園，總算沒有白來！
希望我能脫毒成功吧！
PS. 阿諾和阿平成為了男女朋友了！可惡！
完