[校園鬼故事系列 2] [又係你呀陳生] 十不思議事件: 彩蛋二：黃炎冰？鄭婉冰？（２）
「乖女！乖女！你聽我講，你掛唔掛住媽咪？」父親撫摸著我的頭，溫柔的問我。
我邊哭邊點頭，仍然緊抓著他不放！
「乖女！你聽住，媽咪依家同爸爸玩緊捉迷藏，今日我終於知道佢係邊，我要去搵媽咪，帶返黎同你團聚！」父親說。
「捉迷藏？唔係架，我頭先明明聽到你話咩仇人，有危險咁架！唔好走呀！」我哭著說。
「傻女！因為媽咪太沉迷玩捉迷藏，搞到佢唔記得點返黎！所以我再唔去搵佢，佢就有危險啦！同埋媽咪嬲左爸爸咁耐都搵佢唔到，所以咪當我仇人咁囉！放心啦，我會帶媽咪返黎架！」父親輕撫著我的背，讓我鎮定下來。
「真係？你真係去帶媽咪返黎？無呃我？」我漸漸鎮定下來。
「傻女，點會呃你！」父親堅定的說。
「咁……你會幾時先返黎呀？」我問。
「咁……要睇下媽咪原唔原諒爸爸啦！如果炎冰乖乖地，好好咁讀書同好好咁成長，我話俾媽咪知，咁佢可能好開心，就會好快原諒爸爸，跟我返黎架啦！」父親說。
「真係架？咁炎冰要做個好學生！等媽媽快D返黎！」我說。
「就係咁啦！同埋你要笑多D，媽咪同爸爸都最鍾意見到你笑架啦！」父親說，然後我馬上露出微笑，和我通紅的雙眼形成強烈的對比，一點也不相襯！
「咁就乖啦，呢段時間會由立仁伯伯照顧你！你要聽話呀！」父親說。
「我會做個乖學生架，亦都會聽伯伯話架！」由於立仁伯伯平日對我很好，我也沒有多大的抗拒！
「咁就好啦，爸爸聽日就出發架啦，乖乖地，知唔知！大哥，阿女就交俾你啦，如果你有時間，就繼續教佢學道啦，佢條命都係注定要走呢條路！雖然之前因為老婆佢離開左我地，我以為佢唔想炎冰學道，所以呢幾年我特登等佢過D普通嘅生活！但佢愈大，遇到嘅危險就愈多！希望你教佢，至少令佢可以自保！」父親說。
「放心啦，我會當佢親生女咁照顧！同埋，以佢嘅資質，我會好好教佢，等佢可以保護自己！」立仁伯伯說。
兩人交談了一會後，我低著頭，緊抓著父親的衣角！
「做咩呀乖女？係咪有咩想講呀？」父親溫柔的說。
「爸爸，你真係會返黎架啊？勾手指尾唔準呃我！」我紅著眼說。
「嗯！我一定會返黎！」父親勾了勾我的手指尾，跟立仁伯伯交待了些事情後，便抱著我入睡了，這晚，是我睡得最安穩的一晚，亦是和父親失去聯繫的一晚。
翌日，我清醒過來，發現父親已經離開了！
立仁伯伯告訴我，父親為了趕上飛機，所以便提早離開了，桌上是父親為我準備的最後一份早餐！
之後，我便跟著立仁伯伯，每天也是懷著期待的心情，等待父親回來！
而且，為了履行當好孩子的承諾，我努力讀書，參與課外活動，並跟立仁伯伯學道，正式拜他為師。
日子飛快的流逝，直到升上中學時，我總算明白父親和母親當年遇到的事情！
但我仍然心存希望，相信父親不會欺騙我，他一定會回來的！
而某一天，立仁伯伯告訴我，我會在某個球場，遇上一個可以幫助我渡過難關的人！這個人，會在不久將來，和你碰上一面，屆時，他會需要你的幫忙！
於是，那天我便來到那個球場，和子鋒你碰上一面！
而那個時候，我還是黃炎冰！
之後又過了兩年！
某一天，我感到心緒不寧，直覺告訴我，會有些不幸的事情發生！
就在我放學後，來到立仁伯伯的家裏，我才發現，有兩個我等待已久的人，正躺在床上！
「炎冰，你返黎啦，你快D過黎啦！」立仁伯伯對我說，我馬上跑到床邊！
「爸爸！媽咪！你地返黎啦？」我蹲在床邊，眼淚馬上控制不了的跑了出來！除了因為多年不見！亦因為眼前的他們，臉色蒼白得像死人一般！
「乖女！我……我地返黎啦！」父親氣若遊絲的說，母親則是把右手伸向我，輕撫著我的臉。
「師傅，點解會咁架？佢地發生咩事？」我對立仁伯伯說。
「你唔好問咁多住，佢地有野要同你講，你仔細聽埋先！之後我會話返俾你知咩事！」立仁伯伯指著床上的他們說。
「乖女，我遵守承諾……終於帶埋……帶埋媽咪返黎啦！」父親說。
「乖女，我……我對你地唔住！如果……如果當年……唔係我走左去……都唔會搞成咁！」母親說。
我泣不成聲，只是用雙手緊抓著他們的手，並搖頭表示不要緊！
「我地……時間無多！有D……有D重要野，要同你講！阿爸……無用，最後都對……對付唔到佢地！救返你媽咪返黎……已經……已經係極限！咳咳！」父親氣喘的說。
「老公……唔……唔關你事！係……係我唔好！阿女，你聽住……我同爸爸……已經……已經商量過！你以後唔準再叫自己做黃炎冰！我地……我地幫你改左個新名……用……用左我個姓氏！叫做……鄭……鄭婉冰！」母親說。
「無錯！為左等佢地……無咁易……搵到你！亦無辨法對你落……落降頭！你一定要改名！只係呢個冰字……我地希望可以保留返……！」父親臉色愈來愈顯得蒼白！
「你以後，要用……要用呢個新……好好咁生……生活！我地對你……對你唔住！」母親說。
「我會改名！我會做個乖乖女！我咩都聽你地講！你地唔好有事！」我哭著說。
「乖女！黎，俾我地……攬……攬下你！」父親說，於是我輕輕的伏在他們身上，感受他們的體溫！
我感到他們在輕撫我的頭，我就像回到孩童時代，感受著他們對我的愛護！
突然，我感到他們的動作都停止了，我抬起頭來，只見他們帶著微笑，閉上了眼睛！
「爸！媽！唔好呀！醒下呀！」我的眼淚不斷的滴在床上，我已接近崩潰的邊緣！
「炎冰！走開！等我黎！」立仁伯伯把我強行拉走，只見有數人進入了房間中，當中有我認識的天命叔存在！
「你係廳等我！我出黎之後會同你講返咩事！記住，如果你想佢地無事，就一定唔可以入黎！」立仁伯伯說。
我雖然還沒有從傷心中回過神來，但卻知道，只能相信立仁伯伯的說話了。
然後，等了好半天後，總算等到他們出來了！
之後，除了立仁伯伯外，其他人也離開了！
我偷偷的看了看房間裏，發現原本蒼白如雪的二人，臉上竟回復了紅潤，增添了生氣！
「師傅！佢地係咪無事啦？」我高興的說。
「你坐低先！我同你解釋返佢地嘅情況！」
於是，我們兩人坐好後，立仁伯伯休息了好一會兒後，便跟我說出當中的情況！
「好！首先，你要記住一樣野，亦係佢兩個最後交待嘅事！就係從呢一刻起，你唔再係黃炎冰！你係鄭婉冰！記住！第二，就係你父母身上發生嘅事！詳細情形太過複雜，D恩恩怨怨嘅野我唔多解釋，你只需要知道，你爸爸係未認識你媽媽之前，經常同人鬥法，亦都破壞左唔少招搖撞騙的神棍，但因為咁，佢都惹黎唔少仇家！果D曾經受你老豆打擊嘅人，佢地睇準時機，對你媽咪落左降頭，威脅佢要一個人去搵你媽咪！結果，雖然成功救到你媽咪，亦都收拾左唔少人！但最後都係俾果班人施左法，侵蝕左佢地嘅靈魂！」立仁伯伯說。
「果D係咩人！！！」我只感到怒火中燒，恨不得馬上找他們執仇！
「冷靜D！衝動係無用！同埋憑你依家根本對付唔到佢地！只會打草驚蛇，甚至令佢地知道你父母仲生存，咁到時可能會仲麻煩！」立仁伯伯說。
「咁……咁……」我仍然感到憤憤不平，但為了父母的性命，亦只能強逼自己冷靜。
「我明白你嘅心情！但仲未係時候！我同D師兄弟，施左法，幫佢地整左個結界，係結界入面，理論上唔會俾果班人感應到！亦都可以保住佢地嘅靈魂！我同D師兄弟會努力搵方法，睇下可唔可以破到果班人嘅法術！希望咁樣，可以避免同果班人正面衝突！而你，之前我咪講過，你會遇到一個人，佢會幫到你手嘅！你依家要做嘅，就係以鄭婉冰嘅身份，好好生活，同埋不斷修道！等到適合嘅時間，你自然可以搵到果班人！當然，我希望係你搵到果班人之前，能夠破解到你父母身上嘅法術！咁就可以避免衝突！」立仁伯伯說。
於是，從那天起，我便改名換姓，成為了鄭婉冰！而英文名則是為了融入其他人才改的！
──────────回憶模式結束──────────
「呢個，就係我個名嘅故事啦！」我說完後，看了看子鋒，只見他在沉思著，眼裏好像有點泛紅的，他該不會是哭了吧？
「咳咳！嗯，原來係咁！咁你父母依家情況點呀？」子鋒清了清喉嚨，然後問我。
「佢地咁多年嘅情況都無咩轉變，雖然無辨法破解法術，但慶幸嘅係，佢地情況無轉差！亦都無俾果班人發現！」我說。
「咁……頭先你講過，我係命中注定，可以幫到你嘅人，咁我可以點樣做！」想不到子鋒這小子突然認真起來，我還猜這傢伙會就這樣逃走，看來他還是有一點不錯的啊！
「呢個，其實我都唔知！不過，師傅講過，時間到嘅話，我自然會明白！我諗遲下就會明白架啦！我相信我一定救到我爸爸媽媽嘅！」我充滿信心的說。
「我都相信一定救到佢地！你放心！我一定會幫你！」子鋒認真的說，我真有點感動！
「只不過……」子鋒凝重的說。
「只不過咩呀？」我疑惑的問。
「如果我真係救到佢地，你都唔可以借D意以身相許，我係一個好傳統嘅人，所以……」
我也不待他把話說完，便把他怒打了一頓！
而我把藏在心底裏的話說了出來後，再加上足夠的運動量，心情的確輕鬆了不少！
「殺……殺人呀！」
我用右腳把子鋒踩著，內心充滿希望！
爸爸，媽媽！等我，我一定會拯救你們！
完