[校園鬼故事系列 2] [又係你呀陳生] 十不思議事件: （十五）
第二件不思議事件，其實不是十分可怕，但卻非常詭異，而且亦有委員會成員因此而受傷。
就在燒毀照片之後，委員會繼續討論開校的事宜。
有一晚，所有成員在完成討論後，便打算離開學校，但其中一位成員，姑且稱他為李生吧。
他把銀包遺留在討論的房間中，於是便獨自返回二樓取回銀包，其他人則在校門等他。
李生使用現在小食部旁的樓梯，返回課室。
其他成員在校門位置等他，但說也奇怪，等了差不多十分鐘，卻仍然不見李生。
於是有成員提議，一起上去找李生。
就在其他成員準備上去之際，他們聽到操場傳來「砰」的一聲，他們發現，發出這聲響的正是李生。
在漆黑的學校裏，李生的慘叫聲在黑夜裏徊響著！
把他送到醫院後，醫生證實他的腳骨折了。
根據當時李生的說法，原來他走上樓梯後，他發現，本應是很短的樓梯，他卻走了很久也沒有到達應有的樓層！
當他意識到這點時，他感到非常奇怪，於是打是先回到校門，會合其他成員。
但當他想往下走的時候，卻發現身後的樓梯消失了！
看上去就像一個黑色的無底洞一般，完全看不到盡頭！
之後，李生只好硬著頭皮繼續向上走，但走了大約五分鐘後，他發現向上走也是沒有盡頭！
他感到累了，便坐在樓梯上休息，點了口煙來鎮定情緒！
就在他吸了第一口煙之後，他發現向上伸延的樓梯，正在慢慢消失，像被黑暗吞噬了似的！
而那黑暗更慢慢的向他逼近，他害怕那黑暗最後也會把他吞噬了，於是李生大膽的作了一個決定！
與其讓黑暗吞噬自己，倒不如自己跳入黑暗之中！
之後，他發現自己穿過了那黑色的無底洞，取而代之的，便是操場裏，硬崩崩的石屎地！
事後，警方稍為調查了學校，在二樓，委員開會的房間外，發現了一根熄滅了的煙頭，之後亦證實，這便是李生當日只吸了一口的香煙！
最後，警方和醫院只推斷，是李生因太過疲累，引致產生幻筧，然後自行由二樓跳下。
而李生的說法，則被當作是由頭腦混亂而引起的幻覺處理掉了！
「吓，唔係卦？無啦啦係二樓跳落黎跌斷腳，堅唔堅呀？佢係咪吸完大麻ja？」阿諾難以置信地說。
「真相係點，只有李生佢自己知道，我地只可以選擇信定唔信！」阿強對著阿諾說。
「咁呢個都唔係好恐怖者，同埋又係關D村民咩事呢？」阿奶問。
「呢個我真係唔清楚啦，可能係因為果陣D村民，俾D逃兵折磨，逼佢地爬上樹之後跳落黎。可能佢地只係想D委員有同樣嘅感覺啦！」阿強看著阿奶。
忽然，阿平在阿奶的耳邊說話。
「好，中場休息！我同阿平出去行個圈再返黎聽故仔！」阿奶說。
「喂，咩休息呀，六點啦！溫書啦！」雷少指著手錶說。
「哇，咁晏架啦？算啦，反正都咁晏，聽埋D古仔先啦！就咁話，轉頭返黎再聽！阿平，行啦！」阿奶說完後，便拖著阿平離開課室。
「唉，無佢地辨法！激到我口都乾埋，你地飲唔飲野，我落去買！」雷少說，然後阿諾和阿強都搖了搖頭。
「我同你落去買啦，我都想行下！」我對雷少說。
然後我便跟雷少一起去小食部了。
─────────────阿奶視角─────────────
「好，到啦！」我對阿平說。
「唔該晒你呀，我真係急到就黎瀨啦！」阿平說。
「唔駛客氣啦，我自己都好急！」我說。
「係喎，你覺唔覺得阿強好似有D奇怪咁呀？」阿平說。
「佢？佢不嬲都奇怪架啦！平時又唔鍾意出聲，又好似無咩特別興趣咁！」我回應。
「我唔係指呢D呀，我指佢講故仔果陣！佢平時都唔多講野又無咩特別興趣，但今次咁主動提出學校探險，你唔覺得好奇怪咩？」阿平不安說。
「吓，你咁講又好似係喎。不過D怪人諗咩我地點會明呀，當故仔聽下咪算囉，哈哈！反而阿平，你係咪對子鋒有D野呢？我見你成日偷偷咁望住佢！」我在洗手盤前對著阿平奸笑。
「咩呀，你唔好亂講呀！我覺得阿鋒個人幾得意，講野無黎正經但其實都幾好人咁Ja！同埋我幾時偷睇佢者，我有男朋友架！」阿平嚴正地向我澄清。
「無野？無野你會咁緊張？同埋你男朋友係咩人黎架，無聽過你講嘅？有無相呀？」我攬著阿平說。
「無呀，邊有相喎，呢排都好耐無見佢！」阿平略帶不開心地說。
當然，我不會放過這個好機會追擊阿平！
於是我在洗手間裏捉著她，不讓她離開！
就在我倆打鬧之際，忽然，最尾的廁格傳來了「砰砰砰」的拍門聲！
我們立時停止了所有動作，凝視著那道鎖上了的廁所們。
「阿奶，你……你聽唔聽到呀？」阿平捉著我的衫袖，不安地說。
「無……無事嘅，可能聽錯者！」我裝作大膽地說。
「聽錯，唔係卦？好大聲喎！同埋，你記唔記得道廁所門，我地入黎果陣，係開住，定閂埋架？」阿平的身體開始在顫抖著。
「好似係閂埋嘅！唔好自己嚇自己，你基督徒黎架嘛，主會保佑你，唔駛驚！」我捉著她的手，讓她鎮定下來。
「我係基督徒者，又唔係牧師，又唔係驅魔人！」阿平還是很害怕。
「唔好自己嚇自己，話唔定有人暈左係入面者，要我地幫手呢！肯定係咁，等我去睇下先！」我也不知道哪來的膽子，走近那道門，然後蹲下，想透過門下的縫隙，看一看到底有沒有人。
我在心裏不停想過很多恐怖的畫面，例如：經典的紅色繡花鞋、沒有上半身的雙腳、或是有人在廁所裏頭，用詭異的眼光和我對視等等。
我感到自己的心臟在狂跳，仿佛要把我的胸部撞穿一般！
下一秒，我終於看見廁格的內部了，沒有！甚麼也沒有！
哈，只是自己嚇自己，甚麼鬼也嚇不到我的！
我站起來，然後轉身望向阿平，想告訴她甚麼也沒有！
就在我看著阿平之際，廁格內又傳來「砰砰砰」的拍門聲！
我嚇得差點仆倒，幸好阿平扶著我，但這是甚麼聲音，實在太古怪了。
「又有聲，我地都係走啦！」此刻阿平雙腳已經震得快要站不穩了。
我本想告訴她廁格內甚麼也沒有，那些聲音可能是從其他地方傳來的。
但我從阿平背後的鏡子，看到了一個很可怕的景像。
我看見有一個滿臉血跡的人頭，在廁格門上看著我們，口中念念有詞！
然後，我聽到她的聲音，是一把女聲：「放我出去！」
我已經無法保持鎮定了，大叫了一聲之後，便拉著阿平逃出了廁所！
衝回課室去！
─────────阿奶視角結束，切回陳子鋒視角─────────
「喂，雷少！」我搭著雷少的肩膊，示意有些問題想問他。
「做咩呀？你想問咩？」雷少猜到我的意圖。
「我想問，阿強佢不嬲都係咁架？」其實我也不清楚自己究竟想知道些甚麼，只是想知道阿強的一些資料。
「其實，雖然我同佢做左五年同學，不過都唔係好了解佢！因為佢中一開始已經係唔多出聲，又唔會主動同人交流！我中一果陣見佢古古怪怪咁，但又好似無咩朋友，就走去同佢傾計！佢果陣講親D野，唔係同學校有關，就係關於D恐怖野！之後都無乜再同佢傾計，不過升到上黎中四果陣，因為大家都係讀理科，所以又多左接觸，果陣佢嘅性格又再陰沉左D，不過就少大講D古怪野囉！」雷少邊走邊對我說。
「咁聽落又好似無咩特別喎，係個人孤僻D者。」我自言自語。
「係架！不過要講古怪嘅話，我地好似從來無見過佢父母，就算係派成績表見家長果D，都無見過。另外，就係佢明明住咁近，我地有時星期六，日返黎學校，咁多年黎都未試過撞到佢，除左返學時間，其他時間都好似人間蒸發咁！」
「咁古怪？咁佢住邊架？唔會就係坑口村卦？」我半開玩笑的道。
「係呀，阿強佢就係住坑口村，你點知架？」雷少站在汽水販賣機面前思考著選甚麼飲品。
「唔係卦，有無咁橋呀？阿強佢知得咁清楚，唔通佢同條村有關……咪住……阿強全名係？」我心想。
「雷少！阿強全名係咩呀？」我捉著雷少的肩膊來問。
「搞咩呀你，一開始全班介紹果陣咪講過啦，阿強佢全名咪黃強囉！飲咩呀你？」雷少回答我後，又再望向汽水販賣機選擇飲品。
「黃強？阿強一開始講坑口村歷史果陣，好似講過D野架？係咩呢？呀！條村主要係由黃姓同張姓人組成！唔通黃強佢係……」我正在思考著，雷少又催促我選擇飲品。
「呀……可樂呀唔該！」我的思緒非常混亂，究竟黃強是否那條村的後人呢？
就在我沉思之際，我突然聽到雷少的慘叫聲！
我看見雷少突然坐了在地上，便立刻走上前：「咩事呀雷少？無野呀？」
只見他坐在地上，一臉蒼白，嘴唇在顫抖著，然後用艱難的提起右手，指著汽水機。
「汽水機？做咩呀，有曱甴係入面呀？」我走上前，邊說邊打開汽水的出口處。
當我正想打開的時候，已經嗅到了濃烈的血腥味，我立刻停了動作。
「奇怪！點解會有D咁嘅味！」我在心裏有一些想法後，便把出口處打開。
只見那個位置，充滿了鮮紅的血水，在血水中，隱約看見有兩隻斷掌在裏面。
我雖然被嚇了一跳，但心裏早已有所準備，於是閉上了眼睛，馬上使用已經結好的降伏心魔指印，好讓自己的心神鎮定下來。
「屌，千祈唔好係堅嘅斷掌呀，我真係會講粗口架！」我邊想邊把眼睛張開。
原本的斷掌，已經變回鮮紅色的罐裝可樂！
我把可樂拿了出來，然後偷偷的把降伏心魔指印施加在雷少身上。
「喂，雷少，無野喎，你睇！」我在他面前展示兩罐紅色可樂。
「咦，點解會咁架？我頭先明明……」此刻的雷少，在見到兩罐可樂後，加上我施展的指印，慢慢鎮定下來。
「你見到D咩呀？係咪呢排太攰呀你？」我扶起了雷少。
「呀，可能係卦！」雷少摸了摸前額，像想到甚麼似的。
「算啦，咁我地返上去，你抖陣就返屋企先啦，唔好繼續聽果D故仔啦！」我向雷少建議，心裏則想著剛才的景像，那是幻覺？雷少看到的是和我的一樣嗎？
但看見雷少精神不振的樣子，實在不忍心再問他。
然後，回到我們溫習的樓層，我和雷少聽見阿奶的慘叫聲，看著她們衝回課室，發生了甚麼事嗎？