「夢慾願墮 」樓下的區議員辦事處: 非角色特別專訪 作者的自言自語
非角色特別專訪 作者的自言自語
咳...又見到天線得得b，即係又一個故完左啦～大家好，我是陳四月，「輪迴交易現場」後，製作了「攻略鄰家七姐妹」，開始寫故已經快一年了，這一年的最後，我製作了「夢慾願墮」的第一部，樓下的區議員辦事處，這故事我的構思會有三部，由呂蘭作開端的探索人性陰暗面的第一部，故事現在正式結束了。
講下e個故既起點啦，唔知大家對「輪迴交易現場」既後日談有無印象，當中既偵靈社社長寶兒請左兩個兼職員工，而其中既霧雄，提到了南方的驅魔世家，南毛，而這設定就是「夢慾願墮」的開端，呂小姐的本名，馬玲蘭，北方的馬家，南毛和北馬。
「輪迴交易現場」我個人認為都算完滿，亦無咩必要有下集，所以係後日談既組合，由寶兒同四月十九既女兒，小靈為主角既延續，我交俾「夢慾願墮」的第二或第三部，而佢地既對手，就會係「夢慾願墮」入面既某人，某個長有琥珀色眼睛的某人。
而塑造呂小姐的方式，我選擇了單元性，不同的人，不同的願望既故事，當中被慾望害死既人多，能不忘初衷能無私的人少之有少，那些願望不少是我身邊的人想要的願意，人們被慾望害死，公義被踐踏，正義無法伸張，這比現實更黑暗（我估）。
這是一個不討好的故事。
連女主角也不討好，但偏偏這個故事係我用最多時間寫，亦十分鍾意既黑暗題材。
不幸福的現實，負面得不想接受的事實。
故事既反應其實比我想像中差很多，當中可以有好多原因，故名啦（我有起名障礙），題材啦，質素啦...其實我寫果陣真係幾有信心，好多謝一路有睇e個故既每位，無論多唔多人睇，e個故表達左我想表達既野，我想試既方向亦算試到了...
輪迴似韓劇輕鬆中有感動既情節，七姐妹係我好想寫既多重人格愛情故事，而夢慾願墮單元性既黑暗像日本的單元劇吧...e三個故，是我2016六幹過的事，除了工作，這裡就是餘下的那個我。
其實我好幸運，有人真係有睇我最初得3...4個人既fb page...去到有一日過左一千（我知係少），甚至去到「輪迴交易現場」將會成為實體書（都唔知賣唔賣得好），e件事唔係寫就能成事，無人睇無人推無人like無人分享，個故就會好似輪迴當初係我個page到咁，post左成廿集都無人睇到無人知...不得不佩服高登講故台既力量⋯巴打絲打們既力量
下一個故我暫算有方向了，也會是和前三個作品不同的題材，下個想試既故，角色序都設定得差不多，我想再試，試下不同的我⋯
「夢慾願墮」的第二部，係一定會做（除非我有咩突發性既三長兩短啦。」，但時間我未答到...因為在寫故事之前，我是一個設計師，工作上也應該再努力一點，不然我可能會俾人炒魷魚的...或者又再寫一d短篇，沈澱更好的故事更好的橋段再帶俾大家
像「夢慾願墮」的主旨，夢想和慾望，會否讓你自願墮落？
第一部故事完啦，特別篇（六話左右）會有夢慾願墮x輪迴交易現場中的其中兩位主角，就當是輪迴交易現場的硬入式廣告啦，預定月中左右上載。
最後⋯和上兩個非角色專訪一樣，各位，保重，下個故見！