[惡搞無極限] 就係咁，我同幾個豬朋上左大陸獵金: ４１０　返大隊

就係咁，白雪公主就開始跟出跟入，無論我去食飯，沖涼，甚至去廁所佢都跟住晒，我白明其實佢係個男人，但係佢外在係一個女兒身，唔知真相既人根本唔會覺得佢係男人，甚至我知道，佢有時係我旁邊望住我去廁所，我都好尷尬。

「師父，其實我想問你好耐，點解你要企係到小便？」白雪公主有次問我呢個問題，我真係ｏ左咀，果陣仲要係我正在小便既時候問。

面對佢既問題，我盡量都一一解答。

而我都同佢開左三個條件，第一當然就係幫我拎返阿爸封遺書，第二唔可以將佢係男人既真相話比其他人知，第三就係唔可以仇視花木蘭。

佢都一口答應左。





我咁做，係因為我記得阿輝話過鐘意白雪公主，阿輝個人咁單純，如果比佢知道左呢個真相既話，都唔知佢會點算。

我帶同白雪公主返去，正如我所想，佢地係酒店等緊我，當然佢地都搵左好多人手搵我啦。

阿欣一見到我，就即刻飛奔左過黎，「阿賢！你無事嘛？」

我向佢微笑左一下，然後，我發現阿欣用敵視既目光望住白雪公主，「呢個女人邊個黎架？」