[惡搞無極限] 就係咁，我同幾個豬朋上左大陸獵金: ３９９　打佢鑊金

我慢慢坐直返個人之後，見到夢魔已經比勞斯萊斯制服左，而夢魔佢望住我話：「你破壞左碇司令既野，後果自負。」

我不解咁望一望一眾人，而阿妹就同我講：「我頭先好似發左個夢，夢見我好細個既時候，匿埋左入一個衣櫃入面，而阿哥你黎左救我。」

聽到阿妹講，我諗返我頭先都做左同一樣既夢，我望一望花木蘭，而佢就微笑同我講：「你解開左時興隆既心結，安撫左佢既內在小孩，而家既佢，已經唔會再暴走。」

我聽到佢咁講後，好開心咁望住阿妹，「真架？」

「係啊。」阿妹佢都好開心望住我。





不過，呢個時候既夢魔又話：「你地唔駛開心住，呢到話晒係碇司令既地方，你地走我出去先算。」

聽到佢咁講既我地，無擔心到，因為，我地而家有一樣野係好想做。

阿妹望住我，賊笑左一下，「阿哥，你而家諗既野係未同我諗既一樣。」

我都賊笑左一下答：「我諗我地兩個而家係諗緊同一樣野。」

而阿欣望到我地兩個，都話：「我都知道你地兩個想點。」





我地三個人慢慢行去夢魔到，而阿倫同阿輝見到我地咁都話：「真係要咁做？我都忍我耐拿。」

「係時候要發泄下。」阿倫磨拳擦掌話。

花木蘭呢個時候，露出一個落井下石既笑容，「師兄，我都幫你唔到，鬼叫你做左咁多壞事。」

「……你地……你地未過黎啊，我話晒係碇司令既人，你郁親我，後果自負啊。」夢魔好驚咁話。

而我行到佢面前話：「我理撚得你，打撚左先算。」我望一望身後既人，然後講左一句：「同我打到佢以後催眠唔到人！」





「收到！」呢兩個字後，我地一齊瘋狂地打夢魔。