[惡搞無極限] 就係咁，我同幾個豬朋上左大陸獵金: ３８２　巨大女人

就當我想叫佢地再諗之制，「你地兩個撚樣快Ｄ過黎再傾下……」「踏！踏！踏！踏！」

一陣又一陣好似會踩爛地板既腳步聲接迎，阿輝衝左去門口度裝左一裝，然後話：「佢黎拿。」

我聽到後唔知點解標晒冷汗，而阿倫同阿輝就即刻衝左去牆角度扮訓左。

「仆你個街！你兩條撚樣唔撚好係度扮晒野啊！」我向住佢地兩個大叫，但係佢地好似聽唔到我講野一樣。

正當我想行過去阿倫度打醒佢之際，我身後面傳出門鎖開左既聲音，一股寒氣湧至，我慢慢轉身望住果個龐大既身驅，仆你個街究竟食咩野先可以大到咁架……





「看來有一個小寶貝醒來了。」咁撚大既身驅但講野咁娃娃音真係好唔撚夾啊大佬，而且……而且佢就要行步路好似地震咁，但又要扭晒屎忽花，好難頂啊。

我呢個時候望一望分別係兩個牆角既阿倫同阿輝，佢地兩個成身都震晒咁，而我，就面對住呢個咁巨大既女人慢慢接近，而佢仲要話：「小寶貝你是怎樣把鎖解開的？」

仆街！！！我見到佢咁真係好想上前打撚爆佢，但係當我見到佢咁巨大，打佢既念頭即刻無左，我諗如果佢唔係生成咁，應該比人打左好多次。

直到佢行到我既前面，我要抬頭先望到佢，而我呢個角度望佢完住比佢呼吸緊既鼻孔吸引住。

點算呢？而家我距離呢個巨人就只有唔到幾ＣＭ，而且佢仲向我出手，一手拎起我令到我而家同佢係四目交投，我地兩個對望左一陣，然後佢話：「小寶貝真是個帥哥，可以把我的芳心交付給你嗎？」





ＷＨＡＴ　ＴＨＥ　ＦＵＣＫ！！！呢個巨人講緊咩野啊？佢唔係對我有ＦＥＥＬ掛！？呢個時候我望一望牆角上既佢地，只見佢地兩個都用一個好古惑既眼神各我豎起一隻拇指，仆街！！！我肯定佢地一早知道呢個巨大女人係個花痴先叫我咁樣做。

見係咁，我唯有將錯就錯，「咁如果妳想將芳心交付係我身上既話，可唔可以用果樣野黎交換啊？」我指一指佢腰間既鎖匙話。

然而，呢個巨大女人望一望鎖匙後，再望住我，「為何每個男人都是這樣子！！！」然後佢就將我扔左落地下，但就係呢一剎那，阿倫佢好快咁衝左過黎，搶左巨大女人腰間既鎖匙。