[惡搞無極限] 就係咁，我同幾個豬朋上左大陸獵金: ３５０　點問好呢？

呢個唔男唔女既就係花木蘭！？估唔到咁易比我地搵到！！！

但係我想係問佢阿爸封遺書前，先問問佢一個問題，「花木蘭小姐……唔係，應該係先生……都唔係……你其實係仔定女？」

花木蘭聽到我咁問後，就笑一笑答：「你有無聽個花木蘭既故事，佢係女扮男代父從軍，我叫我呢個名，緊係女黎啦，不過……」佢慢慢行去露出有少少失望表情既阿欣，托住佢下巴話：「我內裡ＭＡＮ過好多男人。」

我又再推開佢地兩個，不過當我知道佢係女黎，對佢掂阿欣都無咁反感，但阿欣始終係我條女，點都要阻上佢地兩個接觸。

「係呢？究竟係邊個客咁好彩同我有緣，叫我黎呢？」花木蘭問，而勞斯萊斯就好興奮咁叫：「係我啊！係我啊！係我啊！」





重要既野要講三次，花木蘭用一個扮作好失望既眼神望住阿欣話：「唔好意思，今次服侍唔到妳，下次啦。」然後就行左去勞斯萊斯度。

睇黎佢都好敬業，佢面對住勞斯萊斯呢Ｄ客人，都用好誠心既態度對待佢，睇住勞斯萊斯幸福既笑容，佢鍾意不是女人的女人，呢個花木蘭真係岩晒佢。

但係我地黎既重點係要搵阿爸既遺書，但係面對呢Ｄ場合，我應該要點樣問先好呢？