[惡搞無極限] 就係咁，我同幾個豬朋上左大陸獵金: ３４５　歌舞技町（補返更新）

一日既休息後，我同阿欣坐左係勞斯萊斯既粉紅色跑車入面，佢仍然係好似我第一次坐呢架車既時候，放緊一Ｄ我覺我好ＧＡＹ既歌。

阿欣佢幾時都係興奮既狀態，而我係Ｄ ＧＡＹ歌之下，諗緊一陣會唔會可以好簡單地見到有阿爸遺書既人？

我一臉認真咁諗，但係勞斯萊斯就一臉既春風得意，佢真係好明顯係想去溝仔？

我地呢架粉紅色跑車係公路上面行左一日，最後到左我地既目的地，「好拿，就係呢度。」

我望住眼前既野，問佢：「呢度真係我地要去既地方？」





「係啊，千真萬確就係呢度。」勞斯萊斯話。

係我面前既，係一間寫到明係夜總會既地方……而且唔係得一間，係有好多間，仲要有好多似客等既客既人係度望住我地。

點解可以咁倡狂既，而且而家只係大白天，Ｄ人都可以著到咁露……

「呢度係……」我Ｏ左個咀問，而勞斯萊斯就就答：「呢度係所有人既天堂，無論你係咩野國家，咩野性取向，呢度都可以搵到岩你既剌激。」

勞斯萊斯講完後，我仲望住呢一塊好似日本某條街既記認，「歡迎黎到中國既歌舞技町，呢一個地方只有識路既人知道，上網絕對搵唔到架。」





係呢一刻，我唔單只比眼前既境色令到我呆左，我仲感覺到我身後有一股殺氣，係由阿欣發出黎。

我望一望佢，佢就話：「阿賢，你估你一陣會唔會好聽話咁係我身邊唔四圍走啊。」

佢咁講，我就算死都答係啦。

但係，有阿爸遺書既人真係係入面？咁唔知呢個人係男定女呢？