[惡搞無極限] 就係咁，我同幾個豬朋上左大陸獵金: ３３７　我的陰影（２）

「你覺得你比種引力愈拉愈落……愈拉愈落……」我聽住每一句，個人就好似向下跌咁，直到，我感覺到，阿媽抱住我喊既時候。

原來，我頭先比果個男人嚇到唔識反應，到我有返Ｄ知覺，阿媽已經喊到收唔到聲。

我望住地下，果Ｄ我流出黎既牙血，點解？點解會發生Ｄ咁既事？點解爸爸唔黎救我地？

又過左半日，果個男人好嬲咁黎到呢間木屋。

「妳老公真係硬頸，到而家都要同我老大撐到行，你地唔怪得我，係你老公，你阿爸令到你地身上少左忽肉。」果個男人亮出小刀指住我同阿媽。





「你唔好搞我個仔，要搞就搞我。」阿媽話，而我就係度大喊。

「你都傻既，你地兩個咁母子情深，更係一齊啦。」個男人愈行愈近，而小刀都就快貼近我塊面，「好快，一下就我，我技術好好架。」果個男人發狂咁笑。

唔通我真係要比佢切左忽肉落黎……我好驚……有無人可以救我同阿媽？

「砰！」一聲巨響，果個男人既頭穿左個大洞，血噴到我成面都係，就有其中一隻眼彈到我塊面，我嚇到唔敢出聲。

男人倒下後，我見到既係一個我唔識既男人，「好彩今次既消息準，阿嫂，大佬做緊野唔方便親自黎，你地快Ｄ跟我走。」睇黎係阿爸派黎既人。





但係……點解？點解唔係阿爸親自黎？有咩野重要得過我同阿媽條命？