[惡搞無極限] 就係咁，我同幾個豬朋上左大陸獵金: ３３０　姊與弟（補返更新）

點解聽完佢呢個問題後既感覺，咁熟悉既，係當我聽到舅父話我知，原來阿爸係阿媽錯手殺死果種感覺。

果種感覺，真係由內到外再到返內，心果種突然冰冷既感覺，就好似來回左內外好幾次咁。

還珠格格見到我既反應後，就話：「點啊？想像唔到？」

我搖一搖頭，然後話：「我阿媽錯手殺左我阿爸。」係，我竟然逐粒字講左出黎，阿欣佢呢一刻緊握我隻手，而還珠格格聽到後打左個突，「……竟然。」

然後，我又再講：「不過，我選擇左原諒我阿媽。」我講完後，還珠格格只係繼續望住幅油畫，然後講左句：「阿碇，唔通呢Ｄ都係你計劃內既事？」





我唔明佢呢句野係點解，而下一剎那，還珠格格又問：「咁姐係時興隆都知道左係你阿媽殺左你地兩個既阿爸？」

呢個問題，我產生左兩個疑問，佢咁問，姐係佢知道左時興隆係我阿妹，佢點解會知，就算佢係情報通，咁佢係幾時知呢？

「係。」我點一點頭，然後問佢我想問既問題：「妳係幾時知道佢係我阿妹？」

「好早就知，而且時興隆係我Ｄ人，我拉攏左佢叫佢做臥底。」我聽到後，就知道原來阿妹一直話係碇司令身邊，係因為要實行既復仇計劃，原來唔止一個人。

還珠格格笑左一笑，然後話：「估唔到我地二個問題都未講，你都答左。」





「答左？」我問，而佢就話：「你會原諒你既親人，但係，我唔會。」佢又望住幅油畫，然後對我同阿欣講：「呢幅油畫，係我既屋企人。」

我同阿欣望住幅油畫，而阿欣就話：「點解阿賢既阿妹都係畫入面既？妳係阿賢阿妹既家姐啊？」唔會怪，唔通我阿爸又比左個驚喜我！？

而還珠格格聽到阿欣咁講後，就笑左笑答：「當然唔係啦，呢個女仔雖然好似，不過，佢唔係時興隆，而係，時興隆既媽媽。」

聽到佢咁講後，我過左幾秒先會意到：「咁姐係妳係阿妹既阿姨！？」

還珠格格聽到後就點一點頭話：「係，不過我無同佢相應……應該話，我無面同佢相應。」





呢一句話有係點解呢？我又好似無啦啦知道左好多野咁。

還珠格格指住左幅畫唯一既男性話：「我地係單身家庭，媽媽一手一腳帶大我地三姊弟，一直都好好，只不過，我弟弟……」

佢講到呢到，要倒抽一口氣後先講到：「我弟弟，殺左我家姐。」

「咩話！？」我一聽到後就係咁既反應。