[惡搞無極限] 就係咁，我同幾個豬朋上左大陸獵金: ３１７　兵分三路

「姐係而家我地只可以特你地前老闆自己出現？」我緊接住阿妹既說話問。

「都唔係既～其實有先前有幾個地方都見個前老闆既蹤影，只不過佢轉眼間又唔見左人。」勞斯萊斯講完後，ＭＡＮ姐就話：「如果真係要搵，咁就要快過碇司令搵到，而家以我地既人力，其實可以發散晒Ｄ人去搵，只不過，我知道碇司令最鐘意放二五仔係唔同人既身邊，所以我怕已經有人混入左我地度，先唔發散晒Ｄ人搵。」

阿妹聽到ＭＡＮ姐既說話後就話：「但係你地開晒話要搵你地前老闆，未會比個二五仔知道囉。」

勞斯萊斯同ＭＡＮ姐聽到後笑左一下，「我地點會咁蠢諗唔到ＷＯ，我地會放流料比果Ｄ人搵，而我同ＭＡＮ姐係親自去搵。」

「咁駛唔駛我地幫手？」我問，而佢地兩個交頭接耳左一彈，「可以既，你地肯幫手就最好啦。」





而阿俊就係呢個時候問：「等等，點解時興隆係碇司令既人，你地唔懷疑佢既？」

佢地兩個聽到後，又笑左笑：「佢一早就係我地條水，點會懷疑佢ＷＯ，況且，懷疑你我都未懷疑佢啦。」ＭＡＮ姐指住阿俊話，而勞斯萊斯就補充，「我地既情報員收到風，你曾經做過二五仔講阿賢既行蹤比碇司令知道，只係而家比阿賢捉左，你地傾店數所以而家先幫佢姐。」

「嘩！你Ｄ風收得咁全面既，連我地傾店數都知。」我問佢。

「前面就堅風，後面係我估既，不過你而家都諗左，姐係我無估錯啦。」勞斯萊斯好得戚咁話。

「咁……」阿俊比佢地講到無言反駁，我見到咁，就話：「放心啦，我相信阿俊唔會再做二五仔，如果你地信我既話，就應該要信埋佢。」阿俊聽到我咁講後好感動咁望一望我，然後我就繼續，「況且我地而家急要人用，多一個人幫手會多一分力。」





「阿賢咁講都有說理既，不如咁啦，我地而家有六個人，不如分成三組人馬去搵好唔好？」勞斯萊斯既提意，大家都無反對。

「咁我要同阿賢一組。」阿欣立即攬成我話。

「咁我當然同勞斯萊斯一組啦。」ＭＡＮ姐好少有咁捉住勞斯萊斯隻手。

而家陣我返兩個人無組，就係阿妹同阿俊，佢地兩個人互相望左一眼，先講野既係阿妹：「我無所謂。」

阿俊聽到阿妹咁講，就話：「我都係。」





就係咁，我地分左三組去搵英紅既既前老闆，而勞斯萊斯講左我地要搵既三個地方比我地知道後，我地就各自出發。