[惡搞無極限] 就係咁，我同幾個豬朋上左大陸獵金: ３１１　準備……前進……

我問左頭盔男借左架車，因為方叔叔借比我地架車已經比佢地整壞左，然後就問佢地借多左少少食物同物資，以備行程上面既不時之需。

阿妹醒返後走左過黎，佢行到我面前，問我：「阿哥，我同先……係未……變左另一個人咁樣？」

我點一點頭，而佢就好驚咁同我講：「我唔想咁架，我都唔知點解會咁，見到果個人拎左件ＥＥＹＯＲＥ衫出黎，仲講左Ｄ野後，我就……」

「唔緊要，妳點都係我阿妹。」我摸一摸阿妹既頭，而佢就喊左出黎。

「阿哥，我好驚，我好驚果個人格再出黎啊，我驚果個人格會傷害你地。」阿妹喊得好緊要。





而我就繼續安撫佢，「唔駛怕，阿哥一定有方法令到妳醒返。」

阿妹點一點頭，然後又問：「阿倫同阿輝……係未唔會再跟住黎架拿？」

「妳已經知道左？」我問佢。

「阿嫂話我知架，佢地兩個唔跟過黎，你會唔會唔開心啊？」阿妹問。

「點會呢，佢地唔係有義務幫我架，而且佢地兩個都已經幫左我好多……」真係有幫到咩？





「我去搵佢地再傾下先。」阿妹講完就走左，我叫住都唔停。

阿妹走左之後，就到阿欣黎左。

「阿賢……」阿欣一臉愧疚咁望住我，「對唔住啊，今日捉唔到果兩個人。」

見到阿欣咁，唔知點解個心有少少唔安樂，「傻啦，最緊要妳無事。」

「但如果捉到佢地，可能就會知道你爸爸Ｄ遺書既下落。」阿欣話。





而我就好認真咁望住佢講：「我情願大家可以慢慢咁平安無事去搵，都好過拎條命去駁。」

「咁……好啦。」阿欣點一點頭，「係去到邊，我到會跟住你去邊。」佢攬住我講，我呢一刻都攬實左佢，「我都係。」