[惡搞無極限] 就係咁，我同幾個豬朋上左大陸獵金: ３０８　回到原點？

因為阿妹突然間變成咁，而且仲暈左，我地問頭盔男借左間房休息，而係休息既時間入面，我叫左身負重傷既阿俊到出面傾Ｄ野。

傾咩野？當然係阿爸遺書Ｄ野啦。

阿俊個頭好似果陣著早一樣，紮到成個阿差咁，佢用個既痛苦又無奈既表情望我話：「你條女係未前世未爆過人樽，今世有爆樽癮啊。」

我笑左笑答佢：「我都唔知啊，遲Ｄ同你一齊去問佢。」

阿俊聽到我咁講後，笑左笑，然後又好認真咁問我：「你拎到Ｄ野之後，真係可以比晒我，比我向碇司令交代？」





我向住佢點左點頭。

「但係，我只係知道一封信既地點，唔知其他，只係一個幫助可能唔大。」阿俊講完之後，我就同佢邁：「而家我只係想搵得一封得一封，我都唔知其他既遺書係邊度，但係只要有線索，我就會去搵，加上碇司令都搵緊，我係唔可以人佢搵到任何一封遺書。」

阿俊聽到我咁講後，先嘆一嘆氣，然後又話：「其實係你跪係我面前果一刻，我就知道我自己會話比你知。」

我用好感激既眼神望住阿俊，佢竟然好唔好意思。

「我得知到你阿爸其中一封遺書，比左一個叫還珠格格既人，我係果位好似明日香既女人口中知道，還珠格格係邊個地方，而呢個地方，我同你都去過。」阿俊講完後，我腦海不停搵緊我同阿俊去過既地方，直到阿俊將個地方講左出黎，果個地方既門口就好似係我眼前從現一樣，「還珠格格係『英紅吧』。」