[惡搞無極限] 就係咁，我同幾個豬朋上左大陸獵金: ３０６　初號機

「你地走先。」阿妹企左係我地同凌波麗之間，「佢得一個人，我仲應付到。」

「咁……阿妹妳要小心。」我話，而佢就答我：「放心啦，一陣上面見。」

走果陣，我望一望身後已經擺好架式既阿妹，雖然我好擔心佢，但係我感覺到，阿妹佢可以應付到。

一層又一層樓梯跑上去，阿欣係跑最前面果個，跟住就係阿倫同阿輝，然後我就係最後果個，我望住比我地扑暈左既阿俊，其實有少少過意唔去。

但係而家呢個關頭，唯有咁做。





走到愈上，見到訓左係地上面既人就愈多，我諗果Ｄ人係比果位好似凌波麗既女仔打暈，全程我都好擔心呢個女仔會追左上算，因為佢追上黎代表左兩樣野，第一就係佢會追上黎打我地，第二就係阿妹佢應付唔到佢比佢打低。

上到地面，我地見到既係另一個人。

「明日香啊！！！」阿倫佢好興奮咁大叫左一聲。

呢個好似明日香既女仔一見到我地，就話：「都話果個唔講野既女人無料到架啦，比你地走到上黎，睇黎都要我捉你地返去先我。」佢一邊講，一邊磨拳擦掌。

而阿欣見到呢個女仔，就放低左阿俊，然後同我講：「阿賢，呢個女人就交比我，你地最後有機會就走。」我未見過阿欣既眼神咁認真，「呢個女人，我諗我要認真先可以對付到佢。」





阿欣一講完後，佢就向住明日香衝過去，而明日香都向住阿欣衝過去。

點解！？點解呢個小說打鬥場面係女性架，寫到我地Ｄ男人咁廢都有既！！！

「你咁撚勁，你出去打囉。」阿倫話。

「未就係，你咁勁唔好跟住我地匿埋啦。」阿輝又講。

你兩條死仔做咩偷聽我既心聲啊！！！





望住阿欣同明日香既打鬥，可以話係打成平手。

「估唔到呢個世上除左碇司令外，仲有另一人原我出到全力。」明日香露出左一個自負既笑容。

而阿欣聽到後就反駁話：「咁妳就要小心Ｄ拿，我只係出左半成力。」

「咁大口氣！」明日香一個箭步衝前，正想一半打向阿欣果陣，一個藍色衫既人突然唔知從邊個方向衝左過黎撞上左明日香，睇真Ｄ，原來係凌波麗。

「妳呢個女人，無用就唔好阻住……」明日香被佢眼前既事物嚇左一跳，因為撞到佢既凌波麗，係一個受左重傷既凌波麗，「妳……妳發生咩事啊？」

明日香問凌波麗後，佢舉起手指一指某個方向，而我地幾都同事望向果個方向。

只見到，一個著左一件紫藍色既動物初既女仔，果個驢仔頭套掩住半邊臉，佢既手染滿左凌波麗既鮮血，仲不停咁悶吼，我認得呢個公仔，係小熊維尼入面果隻叫ＥＥＹＯＲＥ既公仔。

「初……初號機……返黎拿……」凌波麗講完呢句後，明日香倒抽一口涼氣，而我望向呢個女仔既時候，嚇左一跳，因為呢個著左ＥＥＹＯＲＥ公仔初既女仔，係阿妹。