[惡搞無極限] 就係咁，我同幾個豬朋上左大陸獵金: ２９０　關起來

我地當然唔會咁易就範啦，但佢地咁多人，我地最後都係頂我唔係幾耐。

「係們還是聽聽話話吧，不然我們會動用最大的武力抓你們，而且，你們有兩位朋友已經投降。」係啊，佢地講緊既兩位朋友，就係阿倫同阿輝。

「係啊，快Ｄ啦，可能乖乖地會無事呢。」阿倫話，而阿輝就不停點頭。

你地兩個死仔一開始就投降我已經無話你地，但係你地而家就叫我投降！！！你地知唔知我幾想咁做啊！！！如果唔係阿欣捉住左我！可能我仲早過你地咁做啊！！！

「我地係唔會咁做架！！！」阿欣係到大叫：「我仲好氣好力可以殺出去架！」





係，佢仲好氣好力，但我見到阿妹，佢已經有少少喘氣。

如果真係好似阿欣咁講，我諗到最後大家都無好處，所以，我同阿欣講：「阿欣，唔好再反抗，我地去睇下佢地想點啦。」

「但係……」阿欣望住我，我一早已經諗到佢唔想咁做，所以我已經諗到個計仔同佢講：「可能同佢地返到去，仲有更多好野玩呢。」

果然，阿欣聽到我咁講後，就回應：「真係會？」

我用一個好有可能既表情向佢點一點頭。





「咁好啦。」阿欣最後終於聽話，而阿妹就同我講：「我諗佢地帶我地返去，會想問關於頭先佢地同我地講既事。」

我點一點頭，「無錯，快Ｄ解決完後再繼續。」

坐住佢地既電單車，我地去到另一個市，巧合地，係我地想去既市，而我都未試過，身處係一個咁大既車隊中，當然如果唔會一個被捉既身份會比較好。

好似，到左目的地，因為我見前面既車慢慢收油，甚至有幾架已經停低。

「下車。」果個著住成身皮衣既頭盔男同我地講，然後我地幾個人就落左車。





佢行到另一個人面前，問佢：「當家沒事吧？」我只見到被問既人點左點頭講左幾句後，頭盔人就叫人帶我地入去，「先關起他們，等一下先問話。」

我又再次坐起一個鐵牢入面，阿欣對身邊既事都好好奇，邊睇邊話：「阿賢，呢度真係有好玩既野？」

我唔知，我只想知道，一陣我地會見到咩野人？我地一陣會一齊去定逐個逐個去？