[惡搞無極限] 就係咁，我同幾個豬朋上左大陸獵金: ２８８　一定要有既追遂場面

望住後方呢班人，我而家腦海中只有一個諗法，「阿倫！開快Ｄ走啊！」

我一講完，阿倫唔單止無開快Ｄ，仲突然剎車，整到我撞到個頭，「……你搞咩……啊……」本來想對阿倫破口大罵既我，見到車前面都停左好幾十部電單車，就知道，我地已經比人包圍住。

「死啦阿賢呢次。」你地估下呢句說話係邊個講既，係阿欣啊！佢竟然會講得出呢Ｄ野啊！平時最唔知個死字點寫既佢竟然講得出口啊！

「咩事啊……」我好無奈咁望住佢，而佢就話：「全架車原來只係得一支玻璃樽咋，無晒我點掟佢地啊。」佢講講下仲喊左出黎添。

對唔住！唔好意思！係我唔好！我應該準備勁多既玻璃樽比妳掟先岩！！！





阿妹見到咁，無法，「阿倫你行開，等我黎。」睇黎而家只有阿妹既瘋狂開車技術先可以擺脫到佢地。

「好！」阿倫講完之後，即刻爬左去我地住緊既位置，「ＹＯＵ　ＨＡＶＥ　ＣＯＮＴＲＯＬ！」而阿妹都好快就爬左去司機位，「Ｉ　ＨＡＶＥ　ＣＯＮＴＲＯＬ！」阿妹既英文又幾好ＷＯ。

「你地坐隱！」阿妹一坐左係司機位既一刻，就好似進入左暴走既狀態，就好似以前所講咁，佢又進入左絕對領域。

車輪不停磨擦地面而散發出消焦既味說，唔知係白色定灰色既煙開始朧罩住我地架車，「阿賢阿妹，妳係未整壞左架車？」阿輝好擔心咁話，然後阿妹露出一個好有自信既眼神回答，「你壞架車都未壞。」

阿妹一講完，架車就好似上左身咁不停係度打轉，我真係無諗過原來七人車都可以做到咁既效果，阿妹係司機位發出左好瘋狂既笑聲，而阿欣就坐係我旁邊發出興奮既笑聲，阿倫同阿輝則係發出慘烈既笑聲，而我，就真係笑唔出，係驚到笑唔出，因為，班飛車黨個個都上左車。





不停打轉既車打開左一條去路，「起飛拿！！！」就係呢一句後，架車畢直向住一個方向衝過去，「阿妹！果度係……」我都未講完，架車就剷左上石壆。

係啊……我地真係又起飛拿……

同果次一樣，我地飛左去對面線，係半空既一刻，時間又好似停左一樣，連阿欣都靜左，直到架車落地既一剎拿，「好好玩啊！！！原來阿妹妳開車係可以咁好玩！點解妳唔一早開啊！」

比佢一早開未好似而家咁囉……

阿妹佢無理到阿欣所講既野，只係好專心咁望住前方，以及倒後鏡……咦？好似有個倒後鏡係爛左。





班飛車黨上左車追緊過黎，仲係後面不停叫囂，而我隱約聽到，「他們一定有份襲擊當家的。」

佢地呢句係咩意思我而家理唔到咁多，我只知道之後一定會有好多煩事。