[惡搞無極限] 就係咁，我同幾個豬朋上左大陸獵金: ２８３　係未敵人？

「就係咁多？」我問緊眼前靜左好幾秒後將目光望返落本鹹書既大叔，而大則係好隨意點一點頭。

「你剩係果左Ｄ咋ＷＯ。」我話，而大叔望一望我，「我係知咁多，我拎完封信後就走左，無再留係果度，我只知道果位一身皮衣既女人以前唔係泛泛之輩，而家就唔知拿。」

「咁果個女人係邊個？」阿妹問，大叔就好容氣咁答佢：「佢有個名叫武則天，以前係江湖都有Ｄ名氣，只不過有個叫阿碇既人稱王之後，武則天就好似消聲匿積左。」

聽到佢咁講後，我同阿妹都露出左一種失望。

「你地又唔駛咁，雖然佢無以前咁有名氣，不過要搵佢應該唔難，你地去佢以前打混過既地方，應該可以搵到佢。」個大叔話。





我同阿妹聽到佢咁講後，都覺我係一線希望，「咁樣，係邊度啊？」阿妹問。

「你地去隔離市睇下啦，離呢度唔算遠，半日車程一定到。」大叔又話：「講多樣野比你，果日我走既時候，見到一個人著到包住晒全身咁，都唔知佢係男定女，不過我見到佢手中拎住本書。」

「係咩書？」我地問。

「書名睇唔到，只係見到書上面既公仔，好似有幾個清朝既人。」大叔講完後，又繼續睇返佢本鹹書。

我同阿妹兩個對望左一眼，問佢：「幾時起程？」





「愈快愈好，我都想知阿爸既野。」阿妹話：「多得阿爸呢封信，佢叫我相信身邊既人，而家我身訪擁有你地，我點解仲要怕果個碇司令。」

見到佢回復返我第一次見佢既時既樣子，我都有少少安慰。

係ＷＯ，好似仲有件事，「大叔，你未話會講我地知，我既朋友入黎做咩既？」

大叔聽到我咁講後，好似如夢初醒咁話：「係ＷＯ，差Ｄ唔記得左添。」

佢放低返本鹹書，然後話：「果日你地朋友同一個成身著住紅初，頭髮有少少金得黎又啡啡地既女人入左黎，打量左一下我間店後，就話要拎封信。」





下！？點解佢地會知道有信呢件事架！？無理由架ＷＯ！唔通係阿俊話佢地知？咁更加無理由！我從頭到尾都無點講過佢知，而且佢更加唔會知道大寶要我地搵五個女人。

阿妹同阿欣聽到大叔咁講後，個樣都起左懷疑，我諗，阿俊應該係碇司令既人。

「你地聽完咁既樣都有既，不過你朋友都幾慘下，只要佢講左Ｄ野唔岩個女人聽，個女人就會一拳對準佢既心口打落去，睇得出佢好似有難言之隱咁。」大叔呢一句說話，令我地幾個更加模不著頭腦，究竟阿俊，係未敵人？