[惡搞無極限] 就係咁，我同幾個豬朋上左大陸獵金: ２７１　碇司令的留言

「阿妹，妳講咩野二號機啊？邊咩黎架？」我一直問緊已經吁左係度無聲出既阿妹，而阿倫就話：「救左個人落黎先啦。」

阿倫同阿輝放左大寶落黎之後，阿好仍然望住個倒十字，而我就好大力咁搖一搖佢，「阿妹！」佢先回一回神望住我講：「阿哥……今次碇司令佢認真拿……」

「咩叫碇司令佢認真？」我問佢，然後佢指住個倒十字話，「呢個係碇司令親衛隊每次行動後都會留低既記號。」

咁好笑啊，每次行動完都留低個記號比人查啊？

「佢地每次行動都遵循命令執行到底架，只有做多絕無做少。」阿妹話。





「咁頭先妳講果個二號機係？」我問。

「就係其中一個親衛兵囉……」我未見過阿妹咁驚。

但而家唔理得咁多，救左大寶佢返左去先，都唔知留係呢度安唔安全，但就當我有呢個念頭果陣，一陣笑聲傳左出黎，笑聲好陰森，好死怖。

「啊！！！！！！！！」阿妹聽到呢ｄ笑聲之後，抱頭蹲下好辛苦咁既樣，「我唔想再聽到呢ｄ聲啊！！！！！！！」

一個著住全身紅，衫既花紋好似二號機既女仔企左係一個石屋上面仰視住我地，「今次只係碇司令比你地既警告，再下次的話，就係會有人死。」





我望住果位女仔，佢又真係幾似明日香，就連頭髮顏色都係。

佢望一望抱頭蹲下既阿妹，又話：「時興隆，碇司令始終有方法將妳叫返醒，妳終有一日會返到碇司令既身邊。」

「啊！！！！！！！！！！！！！！」阿妹大叫後就暈低左，而呢位咁似明日香既二號機都消失左。

剩低我地幾個。

阿倫注視住頭先二號機所站既地方，「阿輝，你有無睇到啊？」





「有啊……有啊……」阿輝答佢，而阿倫就好興奮咁話：「嘩！！！原來明日香真有其人架！！！我既女神啊～～～我一定會識到佢！」

阿倫你想點啊……

「唔知除左明日香有無凌波麗呢！？有就好拿，我好鐘意凌波麗架都。」阿輝話，然後阿倫就搭住佢既膀頭話：「信我，一定有，連明日香都有真人，凌波麗都一定有。」

佢地兩個想點啊……「不如我地返去先啦好唔好……」我扶起暈左既阿妹，見到佢眼角流出既眼淚，究竟，係因為咩事佢會咁。