[惡搞無極限] 就係咁，我同幾個豬朋上左大陸獵金: ２６９　阿爸所住過既房間

我地一行四人去和平飯店度，點解去果度？因為我地唔知大寶佢可以去邊度搵到。無錯上次係同方中瀡佢去過大寶到一次，但係我都無記過條路點行，阿妹佢都無，所以我地決定搵老前輩，亦姐係阿妹既外公問下大寶會係邊。

去到和平飯店，老前輩一見到阿妹緊係好開心啦，即刻招呼我地食好多野，比阿倫同阿輝呢兩條友賺左添。

食食下，阿妹就問今日黎既目的，「外公啊，其實我想搵舅父問ｄ野啊，你知唔知邊度可以搵到舅父啊？」

老前輩聽到後，微笑左一下話：「你們是不是想問關於阿福留下來的東西？？」

下？老前輩又知，其實呢件事有幾多人知架。





聽到佢咁講以為係件好事，因為如果佢知道既話，就唔駛去問個腦有問題既大實，問佢的話我真係驚咩都問唔到，但如果係老前輩的話，點都會知ｄ掛。

「我只知道阿福將一些東西交給了大寶，但是不知道那些東西放在甚麼地方。」講左等於無講，「你們都是去問大寶吧，不過你們要想些方法去問，因為我以前也有問過他，但是他說了一些奇怪的話，都不知道是甚麼意思。」

咁就死火啦，而家最重要既線索係晒大寶度，如果問唔到既話，我同呢枇金真係無緣。

但就係我失望果陣，老前輩講左ｄ野轉移左我既注意，「你們兩個想不想看一下阿福的房間啊？」

我同阿妹聽到都即刻答佢：「好啊。」而阿倫同阿輝佢地就繼續食野，理都無理過我地。





我地行左幾多層樓，終於去到間房前，老前輩望住度門同我地講：「自從那次後，我也沒有把這間房間租出，不過我閒時也有進去打掃一下。」

門一開，有一種好特別既味衝左出黎，我同阿妹跟住老前輩行左入去，「你們的爸爸住的房間就是這樣。」

好簡單既設備，就好似舅父果陣係公安局話我知既野一樣，我望住果張枱仔，阿爸就係果度寫遺書比我地。

我行到枱仔前，枱仔係用木造，用手摸住上面既紋，感受唔到阿爸既感覺。

阿爸，你到底留低左ｄ咩野說話比我地，我聽完舅父、方叔叔同老前輩講你以前ｄ野，我先察覺到，身為你既仔既我係一個完全唔了解你既人，我好想了解你，我好想搵到果五封遺書，我諗你一定會係遺書上面寫左最想同我以及阿妹講既說話。





阿爸，你顯靈幫下我同阿妹快ｄ搵到果五封遺書啦。