[惡搞無極限] 就係咁，我同幾個豬朋上左大陸獵金: ２５３　清算夜

接落黎既成日都好似相安無事，但係諗到，今日既結束，係災難既開始。

今日我無出去，因為尋日已經比人跟，唔出去為妙，但係我想同老方傾野，所以就叫左平叔托人叫左佢黎，佢黎到後我都有介紹佢地兩個認識，而平叔又問佢關於可兒既野，老方當然好樂意咁答佢，就話張相係佢影既。

而老方就話我知，已經派左人去睇住泙兒佢地，而且佢收到消息，長恨哥應該一早派左人黎跟我，問我有無鱔現過。

但呢幾日所見過既人，都無咩點發現，老方就有Ｄ擔心話：「呢度有支炮，比你防身。」

「傻啦，你比左支炮我，你點啊？」我話。





「而家你最需要呢支槍多過我啊。」它叔係都要收左支槍，但我只係笑一笑，將支槍推返比佢。

老方見到咁，只好無力咁笑一笑：「知你脾性，唔免強你，但係呢支野，你一定要收。」佢拎左一支長管比我。

「咩黎？」我問。

「呢支野係響箭，有咩事，對住個天，拉呢個制，支響箭就會直衝上天，到時我既人就會知道，黎支援你。」

我拎起支管，同佢講：「多謝。」





「真係唔明，響箭你就要，槍就唔駛，咁搞笑。」老方話，而我只係笑而不語。

佢走左之後，平叔行左過黎，「這個人就是你的生死之交？」我點左點頭，而平叔又話：「這朋友，交得過。」

「係架，佢好信得過架。」我答佢。

入夜，和平飯店四圍都好靜，而且飯店入面都係一樣，同前幾晚好唔用，我坐飯店一樓既大廳，同平返捉緊棋。

行左一步棋後，平叔嘆一嘆氣，我見到平叔咁，問佢：「你呢步行得幾好啊，點解要嘆氣？」





「我嘆氣，不是因為下棋，是因為今天可能要動殺戒了。」平叔講完後，身後面有人破門而入，第一個衝入黎既人，係暴龍，而佢手上面捉住左一個被打到半死既大寶。

暴龍既破門後，移入左一大班人，平叔慢慢企起身，望住暴龍，手指間己經夾左好幾隻棋子，而暴龍果班人都到齊，企定定等龍講野：「今日你呢條死老野咁夠擔向我掟包，而家我就要比你知道我暴龍既厲害。」佢拎左支槍出黎，指住平叔。

而呢個時候，大寶就拉一拉暴龍話：「不要……你不可以這樣做……」

「仆街啦你！」暴龍踢左佢一下話：「你呢條闣佬，長恨哥叫你跟住果條仆街有咩事就報告佢知，而你就同佢求情。」

咩話？暴龍你頭先講Ｄ咩？

「對不起，是我的錯，暴龍，你幫我跟長恨哥求一下情吧……」大寶野都未講完，暴龍就又踢左佢一下。

「你個賤骨碘，唔撚打過你，你都唔識死，叫我幫你向長恨哥求情，姐係想我死姐。」佢講完後就用槍指住我，「阿福，係你比長恨哥殺死前，我要同你算一算Ｄ舊仇。」