[惡搞無極限] 就係咁，我同幾個豬朋上左大陸獵金: ２４６　從長計議

果班人跟到我好兄分屋企附近就無跟落去，可能佢地知道我兄弟會係附近放人，所以住部都無再跟上黎。

而我，行到佢屋企既大門，我見到個ＣＣＴＶ轉向我後，大門就開左。

「福大爺，大哥看到你來了，很高興，他已經在大廳等你了。」都估到果位兄弟會派過細黎迎接我。

入到大屋，老方已經開好晒酒等我，我只係一踏入去一步，佢就已經衝過黎攬實我，「好耐無見拿，阿福。」

「傻架你，前幾個月先見完。」我答佢。





「幾個月好耐架拿，快Ｄ黎，我開左支酒比你，飲住酒慢慢傾。」我地兩個坐低，飲左啖酒後，佢就問我：「今次上黎有咩搞？大佬有任務比你？」

「我今次，係著草上黎。」我講完後就一口氣飲完啖酒。

「著草！？」佢驚訝咁問我：「你搞咩事要著草？有咩可以幫到你？係未比人害？係未等錢駛？係未……」

「你未咁激動住先。」我話：「你聽左之後要冷靜。」

老方見到我咁講後，就點左點頭。





我張果封拎左出黎，而老方睇完之後，認真咁諗一諗，「想用呢Ｄ野黎威脅你既人，應該得暴龍呢條友，同埋你搶左佢老婆既果個人。」

「我都係咁諗。」我答佢，然後老方叫走晒佢Ｄ人，再講：「呢單野唔易拆ＷＯ。」

「係，佢要我過幾日去搵佢。」我話。

「你唔係諗住去掛，呢個約會擺明係要對你ＷＯ，你去姐係送死姐。」老方話。

「所以而家未黎搵你，睇下可以點拆囉。」我同佢講，然後佢就好煩惱咁話：「咁撚煩，要諗住好計先得。」





「咁姐係你會幫手啦？」我問佢，雖然我已經知道佢一定會答應我。

「緊係啦，但係你有無咩計劃？」佢又問返我。

「無。」我好認真咁答佢，而佢就一副無奈咁望住我，我又話：「但係我想你搵人去睇住泙兒同可兒先，我將佢地收得咁隱蔽都比佢地搵到，唔搵班人睇住我唔放心。」

「無問題，我一陣就叫人去，咁阿芳呢？」佢問。

「放心，阿芳有阿志佢睇住，無問題。」我信阿志一定會照顧佢地兩母子。

「咁樣，你而家住係邊？」老方問我。

「我而家住係和平飯店度，唔想咁多人知道我上左黎，所以去果度。」我答佢。

「咁又係，如果佢地知道我招呼你，又帶你四圍去，係人都知道你上左黎。」老方話：「咁你仲黎搵我，你唔怕佢地知。」





我聽到老方咁講後，就笑左笑：「我就係想比佢地知。」