[惡搞無極限] 就係咁，我同幾個豬朋上左大陸獵金: ２３４　猶疑

我拎住今日阿欣拎返黎件衫，望左好耐，係度諗，點解舅父情願著女裝，都唔想將個真相話我知呢？究竟係發生左Ｄ咩事，佢要隱瞞到咁既地步。

仲有，點解果位老前輩都要咁做，呢一個有係一個好大既問題。

就係我諗緊之際，阿妹入左我間房，「阿哥，你頭先無食野，不如食Ｄ野先啦。」

係，我一返到方叔叔度就返房望住件衫，原來過左食飯時間我都唔知。

「唔該，阿妹。」我話：「阿欣呢？」





「阿嫂佢去左沖涼……」阿妹坐左過黎，「阿哥，點解舅父要咁做既？」阿妹問左我諗緊既問題。

「我都唔知。」我答佢。

「如果，阿爸既死係關舅父事，阿哥你會唔會接受到啊？」阿妹又問。

呢一點我無諗過……唔係，應該係唔夠膽咁諗，一直舅父當我係佢親生仔咁看待，有細佢都睇到我大，好錫我，如果佢同阿爸既死有關，我都唔知應該點做。

「阿哥，你估會唔會係舅父殺左……」「一定唔會！」我好肯定咁講左出口，阿妹見到我咁都嚇左一嚇。





肯定過去既我，一種心虛來襲，點解？點解會有呢一種感覺既。

「對唔住……」阿妹話。

「唔係，我唔應該咁大反應，係我講對唔住先真。」我同阿妹講返。

阿欣沖完涼後，都黎左我間房，「阿賢……」好少見到阿欣用一個咁擔心既眼神望住我。

「咩事？」我問佢。





「無野……」佢答我，然後伏左係我個膀頭度，阿妹見到，都做左同樣既野。

而家我兩邊膀頭都滿座，感覺就似而家我既心情一樣，一種壓力……唔係，係動力。

「唔知……」阿妹話：「我黎搵方叔叔係未一個正確既決定。」

聽到阿妹咁話，我都有咁既諗法，其實，我係未真係咁想知道阿爸係點死，又或者，我接唔接受到阿爸係點死，都成一個問題。