[惡搞無極限] 就係咁，我同幾個豬朋上左大陸獵金: ２２２　緊張既舅父

食完野後，舅父叫我話有Ｄ野想單獨同我傾，唔通，係運偵單野，呢次大鑊了，班兄弟同阿妹好緊張咁望到我實一實，而唔知情既阿欣就好天真咁望住我笑，係呢一刻，我都想好似佢咁。

行到一邊，舅父問我：「點解無啦啦粒聲都無就走左？」

我望住舅父唔知點答。

「想過黎搵它方問你阿爸Ｄ野話我知先嘛，無啦啦唔見晒Ｄ人，嚇得我，好彩你舅父我醒目搵到搵到黎呢度。」舅父話。

咦？仲以為舅父會問我地運貨Ｄ野添，我好似如釋重負咁話：「係啊，係阿妹想黎搵方叔叔架。」





舅父聽到我講後話：「係你阿妹話你知方叔叔Ｄ野？」

「阿妹話我知有方叔叔呢個人，但果陣仲未知方叔叔同阿爸係咩關係，到步方叔叔就講左佢同阿爸係好兄弟。」我答佢。

「仲有呢？」舅父問。

「阿爸點解會……」我望住而家既舅父，唔知點解，佢好似有Ｄ野，「……同埋阿爸點解會死。」

「仲有呢？」舅父又問。





「無拿。」我答佢。

舅父諗左諗又問：「咁佢個仔呢？」

「你話……方瀡？佢帶左我地去一個檔案室到，睇阿爸單野囉。」我如實咁答佢，然後見舅父好似有少少露難色咁，然後講：「之後佢帶你去做果Ｄ野，你事後都講我知，知唔知道？」

點解，點解係我眼前既舅父會咁緊張既，「……知道。」