[惡搞無極限] 就係咁，我同幾個豬朋上左大陸獵金: ２１７　檔案

到左第二日，我地一行人跟方瀡佢去左公安局，除左阿俊，佢話古惑仔最唔鐘意去呢Ｄ地方，自己四圍行下算，佢咁講，我地都無迫佢。

去到十安局，阿欣佢就好似發現新大陸咁不停四圍走，不停向方瀡問問題，而方瀡又好隨和咁咩都答佢。

佢最後帶左我地去一間榴案室，企係門前，佢同我地講：「一陣入到去你地唔好四圍行，因為正常係唔比其他人入黎，因為怕入面Ｄ野會比人拎走，知唔知？」佢用好認真既眼神望住我地，而我地一行人都點一點頭。

入到去，佢帶我地行到其中一個檔案架度，搵左搵後拎出一個大ＦＩＬＥ出黎。

「應該係呢個。」佢打開後，我第一眼就見到阿爸張相係入面，然後掃到入面有幾隻字……死因，他殺。





佢望一望我同阿妹，然後話：「我應該交比邊個？」

我見阿妹佢望一望我，我就話：「比我啦。」

佢遞左個檔案比我，而我地就即刻睇入面既內容。

某年某月某日，香港人阿福死於某地方，死因，他殺，行兇武器應該是點三入手槍，由於中槍後沒有得到妥善的救會，流血過多失救而死，小彈直入背部留在體內心口附近位置……

睇到呢度，我望一望另一張相，係阿爸流左好多血，訓左係地下奄奄一息既相。





阿輝同阿倫佢地睇到後無咩點出聲，而阿欣就係旁邊捉實我隻手好似想比鼓勵我，而阿妹就喊緊。

我倒抽著一口涼氣，因為我諗都無諗到，咁多年後我會有機會知道阿爸係點死。