[惡搞無極限] 就係咁，我同幾個豬朋上左大陸獵金: ２１２　我叫方中………

我地幾個坐好等緊方叔叔個他入黎，其實聽到話佢個仔做公安既時候都好出奇……公安ＷＯ！？姐係香港講果Ｄ警察ＷＯ！阿爸係黑社會大佬但果仔係當差，係我印像入面我見個有Ｄ咁既身份，都係得香港果套電影無間道２入面余文樂做果個角色。

咁，佢地一齊食飯會講Ｄ咩架，問候下大家，套下對方料又或者比Ｄ料大家知等相方都方便做？

就係我諗緊之際，佢個他終於黎。

一個都幾高大既男人，著住一件黑色皮褸白襯衫，同牛仔褲行左入黎。

「阿爸，生日快樂。」佢用好純正既廣東話講。





「咁早返啊方ＳＩＲ今日？」方叔叔行前抱左佢一下。

「阿爸生日點都要請半日假返黎同你食餐飯既。」佢個仔答，然後望一望我地，問方叔叔：「阿爸，你有客人？」

「係係係……等我介紹……」我地咁多人我就無唯打晒方叔叔介紹我地所講既野出黎，但係佢個仔，就真係要講下。

「呢個係我個他，叫方ＳＩＲ。」方叔叔話。

「真名啊？」阿輝諗住搞個爛ＧＡＧ問佢，點知方叔叔好認真咁答佢：「中間仲有個『中』字，佢住名叫方中ＳＩＲ。」





全場靜左幾秒，然後阿輝又話：「你講真架？」

方叔叔同佢何仔對望左一下，然後話：「點解個個人聽完你個名都係咁既反應？」

「可能我個名勁掛。」佢阿仔答。

係啊！真係好勁啊！原來真係有人個名有個ＳＩＲ字！

「咁……」我、阿俊、阿輝同阿倫四個人，除左阿妹同阿欣外，異口同聲咁問：「咁個ＳＩＲ字可以點寫？」





男人，係好奇Ｄ既。