[惡搞無極限] 就係咁，我同幾個豬朋上左大陸獵金: １９４　新的旅程

好快就到早上，同佢地講左點解阿妹要去果度，大家都無咩意見，但係見阿俊佢就好似有Ｄ野想講，只不過佢見我地無意見所以唔講。

阿欣知道今次佢可以一齊行，不知幾咁開心，但係到而家，我地都好似忽略左Ｄ野……

「阿嫂啊，妳同舅父佢一齊黎，如果唔見到妳既話，會唔會有Ｄ唔係咁好？」阿妹講既野正正係我地忽略左既野。

「唔理佢啦，有得玩最緊要。」阿欣好快手咁就答左阿妹。

都係既，比佢知道左我地要去邊，咁呢次既著草仲有咩野意思。





我地執左Ｄ野然後放左上阿妹架車，其實都唔多，因為諗住去度果邊先再打算，而且阿妹講都個方叔叔咁多人識，我諗去到佢都會招呼我地掛。

所有野都準備就緒，「你地坐好未？」阿妹問我地。

「好！」一行四個人齊聲叫左一聲。

「出發！」引驚既開動，另一次既旅程又再到展開。