[惡搞無極限] 就係咁，我同幾個豬朋上左大陸獵金: １８５　舅父駕到

眼前既阿欣既殺氣無晒後，我就問：「阿欣，點解妳會係度？」

阿欣行到我面前，以後打左我一大巴，「有咁好玩既野都唔叫我一齊玩！」我都估度佢會會咁……

「無……」我摸左半邊面，然後講：「我想試下安唔安全，安全既話之後先帶妳一齊玩嘛。」

「阿嫂，唔好怪阿哥啦，佢都係為妳好姐，妳都唔合我地幾驚險啊。」阿妹話。

「真係架！？講Ｄ黎聽下！」阿欣好興奮咁話。





「好啊，我地去果邊坐慢慢講啦……我地係呢幾日有試過好多野，四本回鄉證啦，仲差Ｄ比呢四本野齊死阿哥啊。」

「下！？」阿欣好驚訝咁問。

「放心，最後有我係度，無事無事，阿哥都好勁架，佢用條假撚炸左部車，係假撚啊，都唔知點可以做度既。」阿妹都比阿欣既興奮情緒感染，愈講愈起勁。

「好勁啊，阿賢。」阿欣用一副好仰慕既神情望住我。

而我，就好尷尬咁笑左笑……





其實我最想問阿欣係點黎到，一個女仔咁樣做，都幾危險下，但以下既野，就解答左我既問題。

一個人慢慢行到我身後面，佢搭住我膀頭，叫左一聲：「賢仔，呢幾日無野嘛。」呢把聲係一把好熟既男人聲，但點解佢會係度呢？

我轉身一睇，「舅父……你點解又會係度既？」